| 日期 | 全年適用 |
成個旅程，Aidan最期待就係去 KidZania 返工喇！KidZania 係一個俾小朋友體驗不同職業的場所，兩兄弟可以揀自己鍾意嘅職業去體驗，聽到都覺得好玩呀！
今日靚湯名人育兒心得
福岡KidZania 位於Lalaport 2樓，我哋去的時候有分兩個時段，我哋選擇了9點至3點嘅時段。呢間KidZania樓高兩層，有大約50間真實企業贊助嘅建築物，入到去真係好似去咗個小市區一樣，有唔同職業場所，有餐廳又有休息區，好真實、好靚。
我哋好好彩，當日唔多人，玩咩都唔使排隊。兩兄弟都玩咗7個職業，佢哋體驗了消防員、Pizza Shop、急救人員、牙醫、警察、整香腸、空中服務員和飛機師。
Pizza Shop最受歡迎，我哋一入場就即刻上二樓排隊，每個小朋友完成體驗後都有得拎返自己製作的pizza，熱辣辣即食好好味！
另一個兩兄弟最愛嘅職業係急救人員，可以坐救護車，又可以扮現場急救，好真實好有型。
兩兄弟每次體驗工作後會獲得Kidzania專用貨幣，利用呢啲貨幣可以係場內商店購物，或者到銀行存款，有需要先係ATM提款出來，全部都好真實，而且要小朋友自己操作，父母係唔可以幫手㗎！
唔好以為小朋友入咗去開工，父母就可以休息，因為要幫佢哋計劃定下個職業體驗，又要不停幫佢哋影相，真係幾攰架！
我哋玩到3點，玩到7個職業體驗，兩兄弟玩得好開心好盡興，完全唔捨得走呢！
Lalaport好大又多野行，下一篇再同大家分享Lalaport內另一個重點行程。
福岡KidZania遊樂園
—————————————
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : [email protected]
更多好去處推介：
珠海長隆親子遊 Day 2 長隆宇宙飛船 遊玩攻略 15大主題區/5D動感影院/必睇科普學堂｜安妮媽媽親子日記
