| 日期 | 全年適用 |
福岡住宿 超級推薦呢間「博多東急REI飯店Hakata Tokyu REI Hotel」，地理位置真係好優越，距離博多車站和巴士總站都超近，啱晒唔係自駕遊嘅我哋！
今晚煮乜好今日靚湯
考慮到有小朋友又有長輩，所以我哋7日嘅福岡之旅都係住同一間酒店，我哋今次入住嘅係標準三人房和標準雙人房，三人房內有2張1.2m雙人床和一張單人床，一家四口都瞓得鬆動舒服。
房內設有不少插座，方便充電，還有一張長嘅梳妝枱、一張小圓桌和椅子，可以放東西或吃宵夜。空間寬敞，長走廊位置夠寬，可以放BB車和2個大行李喼，也有一個隱藏式衣櫃，可以掛小量衣服。每間房都有部空氣清淨機連加濕器，好貼心！
最驚喜是浴室好寬敞，乾濕分明，洗手枱好大，可以放好多嘢。仲有幾個拉櫃可以放衫褲，有齊洗髮乳、潤髮乳和沐浴乳。
Check in過程順暢，櫃台人員英文溝通都ok。退房時可以用自助退房機器，咁就唔使排隊。 上房前可以係酒店大廳拎日用品、洗卸油、化妝水、乳液、梳子、剃鬚刀、棉花棒、咖啡和茶包等，可以自由取用，唔好浪費就得。
大堂嘅咖啡廳有免費咖啡可以飲，6樓和9樓都有洗衣機和自助販賣機，每個樓層都有提供飲水機。酒店正門左轉幾步就有全家便利店，勁方便呀！
酒店最吸引我哋嘅係超級正嘅地理位置，非常近福岡JR站和博多地鐵站，步行3分鐘就到。天橋連接好幾間百貨公司，0101、阪急百貨、百元大創等，步行100米左右就到博多地下街，各種餐廳和商店應有盡有，係附近買得太多都可以好快拎番酒店，再出去買過呢！
安妮媽媽超級推介呢間酒店，價錢唔貴，地點無敵方便，大家去福岡旅行不妨都參考下。
博多東急REI酒店
地址 : Hakataekimae 1-2-23, 812-0011，博多區、福岡，福岡縣
—————————————
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : [email protected]
更多好去處推介：
日本親子遊｜兒童職業體驗樂園 KidZania 警察/急救員/空中服務員 親手整pizza｜安妮媽媽親子日記
