不少男孩子甚至爸爸，都對超人感到興趣，與他們到 超人主題餐廳 就一定開心又滿足！Blogger「豬仔包の開心日常」媽媽早前同朋友相約食飯，到一間以超人主題嘅懷舊茶居，認為啱晒小男孩，於是一齊出發去朝聖！
呢間位於灣仔太原街嘅「瀾之茶居」睇落已有好多年歷史，真係估唔到會cross over初代超人。媽媽一早喺網上訂定位，訂位時已經可以睇到餐單，去到當然係選Ultraman餐單啦。
去到茶居已經比周圍嘅佈置所吸引，2個小男孩已經急不及待要同超人&巴魯坦星人合照。打完一輪卡，開始要叫嘢食，用手機落單嘅時候，可以睇到食品嘅相片，非常好，最後點咗：
– 超人香茜牛肉腸
– 超人叉燒餐包
– 超人奶皇包
– 超人迪加雜菌素餃
– 超人迪加能量冰沙
– 超人雅古雜果冰
茶居嘅點心除咗有靚靚嘅超人之外，味道都相當唔錯，豬仔包話叉燒餐包最好味，2個小朋友都食得好開心，不過飲品方面就有啲失望，「超人雅古雜果冰」有粒發光嘅冰，賣相其實好靚，不過味道就麻麻哋，有類似藥水味道，朋友仔唔太鍾意。
而豬仔包點嘅「超人迪加能量冰沙」，落單見圖片係白色飲品，頂部有啲紅色嘅點綴，但嚟到係藍莓味沙冰，頂部是紅色火龍果，跟店員查詢，話係圖片有色差。至於味道方面，係好濃烈嘅藥水味，連火龍果係同一味道，豬仔包直接放棄。
除咗食點心同打卡之外，現場仲有少量超人精品，亦有一啲同超人有關嘅書籍免費睇。還有懷舊電視、電話同收銀機等都係好有歷史，好值得去參觀一下。
總結：餐廳環境真係好有懷舊氣氛，Ultraman嘅粉絲真係非常推薦去打卡同食主題點心，點心係睇得又食得，飲品試的2款就不太推介，建議嘗試其他款式。
地址：灣仔太原街8號海源中心地下A及B舖
日期：2024年6月14日至12月31日
主題食物及飲品供應時間：星期一-五：14:30-22:00；星期六、日及公眾假期：11:30-22:00
電話：2668 4068
訂座：按此
*注意：設每人最低消費：$100（5歲或以下小童不包括在內），入座後用餐時間為90分鐘
圖文獲「豬仔包の開心日常」授權轉載
更多親子好去處：
