| 日期 | 全年適用 |
話說週末假期臨時決定同Lisboy去馬交（ 澳門 ）慶祝生日，重點項目當然係「天浪淘園」水上樂園啦！
暑假嚟澳門入住銀河系列嘅酒店就可以免費使用佢哋出晒名嘅天浪淘園 （價值澳幣$888） 。天浪淘園係我哋來澳門重點項目，大型戶外玩樂勝地，我哋可以玩全球最長的575米空中激流、面積廣達8,000平方米的空中衝浪池、150米白沙灘、刺激的滑水天梯、兒童水上遊戲專區及兒童游泳池！真係啱晒Lisboy，玩足成個下午。
Lisboy揸住佢架水中戰車周圍飄浮，有Lisba嘅保護之下，小Sun媽同Lisboy都玩到不亦樂乎。小Sun媽仲玩咗幾次滑水天梯，Lisboy喺兒童專區就不停咁射水放水。衝浪期間我哋仲去咗水中酒吧品嚐咗新鮮椰子消暑，天浪淘園真係夏天嚟澳門必到嘅選擇，好啱唔同年紀嘅小朋友嬉水暢泳。
暑假期間所有酒店價格以倍數上漲，我哋臨急臨忙就book咗銀河系列中比較受惠嘅百老匯酒店。上次聖誕已入住過佢哋嘅套房，夠晒大，有大量嘅裝飾禮物，而且佢哋服務超級好，仲有Lounge俾住客食吓嘢休息吓，有得任食葡撻，呢個係我喺其他酒店少見到嘅！
酒店好有驚喜，入住當日係Lisboy嘅正日生日，酒店安排咗高層海景房俾我哋之餘，仲送咗個超級大同好味Cha Bei 蛋糕俾Lisboy。最後切蛋糕變咗「斬」蛋糕，食足兩日都食唔晒，仲有一Set生日禮物，真係超級有心。
雖然地點有啲距離，但好有百老匯特色，有百老匯大街、大量嘢食同近官也街，沿途都有天橋接駁，最正係屬於銀河酒店系列，可以免費享受正爆無得輸嘅「天浪濤園」水上樂園！
另外，入住銀河系列酒店可以免費暢玩親子樂園「銀河「童」樂坊」兩小時。
「童」樂坊類似一個超級大型嘅Playhouse，入面有個eye-catching嘅超長滑梯，有嘢玩、有嘢飲、有爆谷、有電影睇⋯仲可以及早預訂工作坊俾Lisboy玩。有動靜皆宜的活動及創意工作坊，一起寓學於樂。
「童」樂坊有「小淘淘實驗室」和「科學樂園」探索S.T.E.A.M.的奧秘，好好建立邏輯思維，而當日Lisboy就化身Lis博士參加咗磁力貼工作坊，砌咗自己最愛嘅建築物。呢度仲有「小淘淘廚房」，小朋友可體驗烹飪的樂趣。
百老匯酒店 (Broadway Hotel)
地址：澳門蓮花海濱大馬路
交通：港澳碼頭搭金光飛航或噴射飛航到達澳門氹仔碼頭再乘搭酒店穿梭巴士到澳門銀河，全程大約一個半鐘（小貼士：坐船比金巴方便，因為去到碼頭會有酒店車接送，夠晒方便。）
圖文獲「Lazy Li’s｜你是•李氏」授權轉載
其他好去處：
暑假親子遊 ｜3日2夜 深圳網紅古鎮+惠州特色騎樓街打卡 參觀溶洞鐘乳石
