| 日期 | 全年適用 |
平日週末不如帶小朋友去香港嘅世外桃源—— 愉景灣 玩返日。
講緊嘅係愉景灣EpicLand歷奇王國 ，全場佔地14,000呎，一入場就已經覺得會係消耗體力嘅一日。
Epic Land歷奇王國分為3大區域，大人小朋友都啱玩！最吸引當然係喺正中間、6米高嘅Epic volcano超大波波池，中間就係volcano，爬上火山再瀡落特長滑梯，刺激又好玩。另外仲有五層樓高嘅障礙設施，入到去就係一個迷宮，行上行落會搵到唔同嘅玩樂設施，有滑梯、射擊、障礙賽，仲有2姊妹最愛嘅垂直滑梯，佢哋不停上去又瀡落嚟，話非常刺激！
另一邊有七彩滑梯、攀石區、沖天飛索、彈床區都適合小朋友，再細啲嘅小朋友就可以去幼兒區、記得去玩埋 Laser Tag，係黑暗嘅迷宮玩War Game，好好玩！大人就可以去挑戰5米高空中漫步Air Trek、Leap of Faith飛躍區，真係少啲膽量同平衡力都玩唔到。所以喺呢度，大人細路都有好多野玩，絕對係挑戰大家嘅體能。
場內設Epic Café，提供飲品同食品，玩到餓可以買嘢飲嘢食休息下，之後繼續去玩。
EpicLand歷奇王國
地址：香港大嶼山愉景灣愉景北商場地下G31
開放時段：
上午：9:15 -12:15
下午：13:15 -16:15
晚上：16:30 -19:30
圖文獲「Kami 嘉美‧麥皮b Li 爸媽」授權轉載。
其他好去處：
美人魚體驗班 ｜1小時學水中舞化身靚靚 美人魚 專業教練全程貼身 滿4歲唔怕水即可參加
