| 日期 | 全年適用 |
深圳 度假酒店 ｜呢度與世隔絕，車到度假村入口已經感受到度假嘅氣息。
一到酒店門就覺得好靚、好有時尚簡約感。酒店環境舒適，設計新穎，用上的都係有質感的物料，最正就係每一個房間都有自己獨立的戶外私家溫泉池！
溫泉池可自己調校冷暖水，有好高私隱度嘅私家花園，仲見到好多蝴蝶喺度飛，好似去咗仙境咁。房間還有落地大窗， 可視180度山景。
其實度假村都只不過喺香港搭一個鐘頭車就到，車費都係$100（人民幣，下同）左右，但已經可以休閒地呼吸大自然的空氣，心情好舒適愉悅，感覺遠離了城市的喧囂。
我哋3pm check in，好快就攞房，WeChat掃一掃添加了貼心管家，一切都可以發訊息同佢講，包括送餐。而酒店亦有智能聲控 叫小度小度，就可以控制很多事，包括調校光線、播音樂。仔仔係咁不停用國語同佢傾偈，好搞笑。
Check in 時叫咗下午茶，仲有預約晚飯套餐。雙人精緻下午茶$198，絕對值得叫！仲可以送餐到房間，一邊喺溫泉泳池玩，一邊慢慢享受。
黃昏上樓頂的星空露天吧。酒店係單樓層設計，超大面積，可以看到日落同晚霞，好迷人。
晚餐我就選擇去返餐廳用膳，同樣是$198 超值雙人套餐 ，有沙律、湯、主菜（兩塊扒）、意粉、甜、 果汁，酒店仲有糖水送，係好滋潤嘅雪耳桃膠紅棗糖水。
食飽飽返房睇電視，浸個房內的香薰浴，就瞓覺啦。第二朝起身，7:30-10am有早餐食非常非常豐富！食飯之後再去房間玩多一陣之後就check out。
酒店周邊有名馬軒度假莊園、七娘山、七娘山牧場、桔釣沙、楊梅坑等地方。我退房之後就去咗行幾分鐘就得到嘅大鵬半島地質公園，地方好大，又有冷氣好舒服
如果秋天天氣涼啲仲可以行山！玩兩日一夜絕對唔夠。
丹楓凱麗度假村 嵐惜·湯泉泡池酒店
地址：廣東省深圳市大鵬新區南澳地質公園路2號
圖文獲「媽姬與樂 生活日誌」授權轉載
更多親子好去處：
佛山 親子兩日遊｜嶺南天地觀光+品嚐美食 慢節奏打卡小鎮古蹟
