| 日期 | 全年適用 |
陽光明媚嘅日子， 野餐 就最啱！近近地，喺九龍市區就有好地方。
著數優惠今晚煮乜好
由九龍灣地鐵站行5分鐘就到嘅零碳天地，入面有間隱世cafe ，以綠化環保為主題，除咗一般堂食，亦有Picnic Box Set出售。只要提前5日預訂 ，仲可以向Cafe租用野餐墊，一家人喺旁邊大大片草地輕輕鬆鬆野餐。
今次我哋嘅box set 係四人份量：一盒大概兩磅嘅沙律份量十足！有齊牛油果、雜莓、蔬菜、Nuts、雞肉、蛋、煙肉，清新開胃嘅感覺。另外有照燒洋葱牛肉三文治、番茄雞肉三文治、忌廉芝士煙三文魚迷你牛角包、吞拿魚雞蛋沙律迷你牛角包，各款三文治、牛角包各有特色。我就最鍾意煙三文魚牛角包，鬆鬆脆脆嘅牛角包配上滑嫩三文魚，好味！
餐後水果嘅Fruit Bowl，顏色鮮艷，有火龍果、橙、菠蘿、士多啤梨、藍莓，生津解渴，夏天必備！而甜品係海鹽焦糖朱古力撻特濃朱古力慕絲，香濃幼滑口感，大人小朋友都鍾意。飲品有四款，最吸引眼球嘅紫色蝶豆花檸檬汁、Cafe必試嘅冷泡咖啡。小朋友唔少得嘅蘋果汁、橙汁，新鮮即榨。
除咗我哋呢款餐單，亦可以按人數要求調整加減。
秋冬想同屋企人野餐，誠意推介俾大家。
HAPi Cafe
地址: 九龍灣常悅道8號零碳天地地舖
授權：洋桃媽媽
其他好去處：
