我諗職業體驗係近年最hit嘅小朋友活動，Hailiah年紀輕輕就已經玩過3個唔同職業。今次Hailiah同Hayson走入香港維港凱悅尚萃酒店化身為小小管家。
親子旅遊推介今日熱話
住酒店住得多，但平時邊個幫收拾酒店房間？今次喺《The Little Manager》體驗專家同香港維港凱悅尚萃酒店嘅專業同事帶領下，讓小朋友對香港的酒店行業增加認識，擴闊視野！
小小管家需要於酒店房間內完成各種小任務，成就解鎖，另外仲可以揀小小園藝師體驗！適合6-12歲小朋友參加。
我哋join呢個活動玩完再包一個高質自助午餐，有得玩就係梗有得食啦！
我哋覺得呢間嘅自助午餐超有水準，鍾意食中菜就唔好錯過啦。因為我哋最欣賞佢哋嘅燒味，燒鵝、叉燒、油雞、海南雞樣樣齊，東坡肉超好食，秋葵炒腩片都係第一次食。想食咖哩都有好幾款，同埋福建沙茶湯麵。
海鮮先有長腳蟹、蝦、螺、蜆、青口等等，都好新鮮，壽司有幾款唔算多，但刺身吸引，三文魚又夠厚身。串燒有雞翼、豬頸肉、台灣腸等等，不停供應。另外佢哋嘅烤阿根廷香料腹心肉，肉質很好。
啲雪糕仲好有睇頭，轉下轉下好得意，估唔到開心果味同薄荷朱古力都咁好味，亦有一整個甜品櫃同生果。
特別一提仲有個兒童天地，小朋友食飽仲可以玩，非常貼心。
HYATT CENTRIC
北角北角邨里1號
其他好去處：
