| 日期 | 全年適用 |
薯B生日，屋企人同佢去唔駛搭飛機嘅「芭提雅」慶祝，無邊際泳池連私人沙灘，酒店仲送帽同生日蛋糕，薯B開心到暈！
學校 / 校長專訪著數優惠
第一次喺蓮塘口岸過關，搭去大梅沙站都幾有特色。一出閘就係願望塔，風景靚，加100蚊又有航拍，值得去影下留個紀念。去嗰頭就必去海鮮街，有啲似西貢即買即煮，無加工費，款式又多。成枱海鮮，仲有大瀬尿蝦，都只係820蚊埋單。
酒店位置方便，一出去就有個outlet，雖然價錢唔係好平，但有個大湖係中間，夜晚行下打下咭都好靚，亦有好多嘢食，梗係買返隻乳鴿返去宵夜！
第二日食完早餐就去沙灘到玩，酒店有免費shuttle去私人沙灘，亦都可以行入洲際酒店玩佢個泳池。無邊際泳池景真係有啲似去咗芭提雅，但因無更衣室，如果去記得換定泳衣同拎毛巾。附近都好多水上活動，帆船出海、釣魚同潛水都有，夏天都可以再嚟玩下！
最後就去東部華僑城行下，薯B又扮公主，襯埋個歐洲景係幾靚嘅，但如果唔係嗰到住，就無咩必要專登上去啦。總結整個行程都幾抵玩嘅，住海景房間又有海鮮餐，下次3日2夜都適合同小朋友再嚟。
深圳大梅沙京基海灣大酒店
獲露營寶寶。車中泊。親子遊@FB授權轉載
其他好去處：
