| 日期 | 全年適用 |
適逢李氏生日月，周未過關嚟到深圳快閃2日1夜偽泰國遊記！見到呢間內地好高級酒店品牌「漫心酒店」有小黃鴨主題房，即刻book咗嚟同Lisboy嘆世界！我哋揀咗 南山區 呢間漫心酒店，因為2023年先開業，比較新淨，附近仲有好多好嘢食同傳統泰式按摩。
放假親子去邊好？必學生活小知識
小黃鴨主題家庭房
房間內有1張大大雙人床同1張單人床，成間房嘅枕頭、床單、牆壁佈置同帳幕都係小黃鴨嘅主題，真係打卡一流。床上有大大隻公仔，Lisboy一見到佢就同佢打成一片。另外酒店好貼心提供兒童牙刷、小童拖鞋⋯仲好先進有無線USB頭同插頭，真好！
酒店設備/服務
酒店大堂Check in時已有綠豆沙俾大家食，又有個Game Zone，又有Tea同Cocktail time俾大家一邊嘆飲品、雞蛋仔，一邊玩遊戲，最得意係酒店有兩部機器人會親自將Welcome Gift、外賣送到房門口，Lisboy都覺得好新奇有趣。
酒店自助早餐
酒店個自助早餐可以話係麻雀雖小，五臟俱全，都有好多嘢食：中式點心、餃子、麵包、沙律、粥粉麵飯 、煎蛋、炒蛋、熱食、華夫餅、墨西哥卷、甜品、乳酪、多款生果、咖啡、牛奶、芝麻黑豆漿、中國茶⋯⋯
上網研究過呢間酒店仲有好多正嘢：
而且地理位置優越，交通便捷，來往酒店周邊景點南頭古城和中山走路僅268米（步行三分鐘）：
深圳南山科技園漫心酒店
地址：廣東省深圳市南山區南頭街道玉泉路116號
圖文獲「Lazy Li’s｜你是•李氏」授權轉載
其他好去處：
深圳親子遊｜福田區高性價比 親子酒店 多種兒童主題房選擇 設有遊玩設施+親子伴讀角
