| 日期 | 全年適用 |
Papa今日收早俾驚喜兩兄妹，帶佢哋去咗尖沙咀一間親子餐廳——為食恐龍。
放假親子去邊好？實用健康百科
豆哥哥去到勁興奮，因為有部揸車既遊戲機俾佢玩，非常驚喜！仲有好多小朋友嘅board game比佢哋玩，啱晒肥妹，唔使食食吓扭計。帶佢哋嚟呢啲地方食晚飯Perfect，仲有小禮物送俾佢哋，兩兄妹都好開心。
兒童餐：有卡邦尼意粉、炸魚、炸薯條、提子同蛋糕仔，對豆哥黎講，啱晒佢，唔會晒野食！份量啱啱好。
香茅檸檬烤春雞：全隻烤春雞，成隻雞都係香濃檸檬汁及香草。papa仲手撕俾兩兄妹等佢哋容易啲食。雞肉嫩滑好多汁好Juicy。
墨汁墨魚炒意粉：食到成口黑色嘅意粉，睇落黑蚊蚊冇乜味咁，其實佢個汁好濃郁……有蒜香味。
鵝肝焗蛋餅：好特別嘅一個蛋餅。第一次食味道出奇地夾，蛋味濃郁，側邊配上小小嘅薯蓉配合得好好。
燒烤醬豬肋骨：豬肋骨好入味，加上秘製的燒烤醬汁，同豬肋骨很夾，酸酸甜甜，味道好夾。
為食恐龍‧恐龍先生 (尖沙咀)
尖沙咀厚福街8號H8 2樓
圖文授權：豆哥惡妹親子玩樂記
其他好去處：
