Blogger「豬仔包の開心日常」媽媽日前帶豬仔包去參加「 郵票説故事 」展覽導賞團，活動可以參觀九龍灣郵展廊，以及中央郵件中心，讓小朋友了解香港郵政服務！
「 郵票説故事 」展覽導賞團需預先預約，但媽媽報名時一波三折，首先撞正颱風，之後發現所有星期六都已滿額，之後決定趁豬仔包學校放假報平日團。
放假親子去邊好？
親子旅遊推介
參觀第1站去到九龍灣嘅中央郵件中心參觀，職員帶住遊走2-4樓，可以睇到日常中央郵件中心嘅運作。大型嘅分信機器比起人手分信快好多倍，除咗可以縮短分信時間之外，仲可以大大咁減少出錯機會。
一啲大量投寄嘅信件，例如信用卡月結單、稅單等，一般信件大小同規格都是一樣的，就可以交由另一部機器去進行分類，可以直接分派到相關分區嘅郵局和郵差，大大提高效率。
另外，一啲大型郵件，例如淘寶集運，都會由機械人去進行分類，不過由於呢類型郵件，郵政局都希望以最快速度去處理，所以當日上午郵件已全部處理，下午參觀就無法睇到機械人運作過程。
參觀完中央郵件中心，我哋就一同前往九龍灣郵展廊。展廊入面有非常多具歷史和紀念價值嘅郵票展出，亦有以「郵票説故事」為主題的展覽。媽媽覺得最特別係用顯微鏡去睇郵票，放大咗先睇得到，原來郵票係隱藏咗作者嘅名字，真係唔講唔細心睇都睇唔到，可以感受到郵票設計者嘅用心。
每位參加導賞團嘅小朋友同家長，都會收到一張特別設計嘅明信片，分為「回歸祖國」、「國家成就」、「香港發展」及「服務市民」四大主題，每星期派發一款，係非賣品嚟，要儲齊一套，就要參加4次導賞團先得。
平時要參觀中央郵件中心係需要經團體申請，並需要夠8歲先可以參加，今次冇年齡限制，可以以個人報名，機會難得，不過星期六嘅場次已滿額，但平日還有的。至於九龍灣郵展廊係開放俾公眾參觀，報唔到導賞團都可以自己於開放時間去參觀，當然有導賞團講解會更加吸引！
地址：九龍灣宏基街8號香港郵政大樓
開放日期：2024年8月26日 – 11月30日
費用：免費
了解更多：按此
圖文獲「豬仔包の開心日常」授權轉載
更多親子好去處：
