| 日期 | 全年適用 |
如果想 打邊爐 ，湊湊一定係首選。宜家湊湊特別為身高120cm以下嘅小朋友免費提供頂級寶寶童樂餐，太好啦！堂食單點火鍋就可以免費享受
寶寶童樂餐，小朋友都可以啱食啦。
名人育兒心得
材料好豐富，烏冬用上深海昆布柴魚熬製嘅高湯，仲有奶油水耕蔬菜、日本A4和牛、西班牙伊比利亞豬、基圍蝦、帶子同鱸魚片，全部已經煮好晒可以食。啲嘢食仲好啱小朋友，營養健康又美味。
大人嘢食方面，我哋揀咗鴛鴦鍋，昆布湯拼台式招牌。昆布湯帶點清甜，非常適合放菜類同埋魚片。而台式招牌鍋唔係太辣，但係非常香，非常適合肉類同埋毛肚，裏面加入鴨血同豆腐，可以無限添加！
華麗海鮮拼盤：海鮮拼盤非常精緻，有海蝦、鮑魚、扇貝、花甲同鱔片，樣樣都新鮮，特別欣賞扇貝大大隻！
貓爪蝦滑：蝦滑係貓爪外型好可愛。蝦滑蝦膠係比較結實嗰隻好爽彈，仲咬到蝦肉。
新鮮白鱔片：魚肉非常鮮美，好有魚油香，肉質嫩，放落昆布湯仲更加帶出魚嘅鮮味。
美國牛肩胛肉：牛肩胛肉質有咬口，肉味都好香濃。
毛肚：份量都幾多，口感爽口，放落台式招牌好惹味！
皇帝菜：打邊爐一定唔少得蔬菜，非常新鮮
雙柚愛玉茉莉冰沙好fresh解辣解膩真係一流！雙柚愛玉茉香茶，香甜嘅柚子味仲有茉莉茶香，配埋愛玉增加口感。
另外，自助吧有水果、小食提供，仲送上甜品同小杯沙冰，超飽飽滿足
湊湊火鍋‧茶憩 (MOKO新世紀廣場) (旺角)
旺角太子道西193號MOKO新世紀廣場4樓406號舖
圖文授權：蓁蓁豬日常Diary
其他好去處：
