深圳好去處|福田2日1夜行程推介:五星級酒店套票連 親子餐廳遊樂場 一家四口人均$300


全年適用

可以玩遊樂場,又可以嘆美食,又可以shopping,一個地方有齊!商場另外有小火車同親子電動車。睇睇呢個位於大型商場、佔地5,000平方米的「三層樓 親子餐廳遊樂場 」有咩玩?

親子旅遊推介

 

名人育兒心得

呢個遊樂場有3層,

第一層:充氣彈床、波波池、滑梯、繩網

第二層:餐廳、旋轉滑梯、白雪沙池、LEGO、巨型積木

第三層:角色扮演、煮飯仔、汽車維修、獸醫、騎馬、玩水區、各種自費DIY、幼兒區、遊戲機

  • 1歲及以下幼兒免費入埸,記得要帶防滑襪
  • 另有玩水區,記得帶泳衣,場內有毛巾提供
  • 旋轉滑梯超級滑,遊樂場有提供保護手袖套
  • 3樓有多種DIY活動,例如手工、烹飪等,有興趣可現場付費參加

門票全日任玩,2樓有親子餐廳,場內亦有洗手間(有兒童廁所),但規定持手帶離場不可超過15分鐘。我哋食飽午餐先入去玩,所以冇試到佢哋嘅餐廳嘢食,見到菜單有提供西餐、輕食等,有需要亦可以自己帶定乾糧入去。我哋係訂嘅五星級酒店套票包埋呢間遊樂場門票,人均三百蚊,全日任玩,即刻送上2日1夜行程玩盡佢!

深圳福田兩日一夜行程推介:

Day1: 搭高鐵前往福田〉酒店check-in〉步行10分鐘到卓越中心〉午餐B1層一樂食堂〉F1 層奈爾寶親子樂園〉晚餐L1層pleace2西餐

Day2:酒店自助早餐〉酒店空中泳池〉check out 〉call車(人仔1蚊)到領展中心〉B1層驚喜島自然探索樂園〉Rm層吳莊片皮鴨〉搭高鐵回港

深圳奈爾寶親子樂園

地址:福田卓越中心F1層·入口係地面近馬路側(離酒店非常近,可步行約10分鐘就到)

我哋今次入住五星級酒店豪華雙床房,有37平方米,一家四口都相當闊落!我最愛房間係乾淨木地板,張床又大又舒服,床底有轆,兩張床可以泊埋,仲免費提供嬰兒床,妹妹好滿意!嬰兒床非常大,妹妹瞓低仲有位剩,唔頂腳。

酒店套票包咗自助早餐,5歲以下免費,食物款式都幾多選擇,而且味道都唔錯。推介奄列、現煮豆漿、真蜂蜜pancake,另有即煮粉麵、薯餅、水果乳酪、點心等……小朋友好多都啱食。

深圳大中華希爾頓酒店Hilton Shenzhen Futian

如何前往:搭高鐵去到福田,福田站乘地鐵2號綫(8號綫)小梅沙方向,搭2個站到崗厦北站13出口直達;或經落馬洲福田口岸,10號線搭3個站到崗厦北站,只需6分鐘車程。

地鐵出口連接「深圳之眼」美食商場,有我想食嘅象山酥院、喜茶,仲有多間餐廳、一個攀石埸。電梯一上地面就係酒店,非常方便!

【雙11快閃·買一間送一間】高級大床房/雙床房 HK$865起

預訂按此

圖文授權:初初媽媽

其他好去處:

深圳好去處|一站式購物商場內的超大型遊樂場 一個價錢全日任玩︱初初媽媽

深圳好去處 ︱深圳偽「泰國」遊:入住絕世海景度假酒店+隱世景點小火車打卡 鄰近蓮塘口岸

深圳好去處|適合幼兒的兒童樂園 一大一小任玩6小時¥20有找


熱門文章

消防及救護學院開放日 救護車輛巡遊+滅火/救援示範 即睇入場券申請方法
免費好去處|少年警訊創新科技大賽2024-25嘉年華 首次對外開放 玩轉科學鑑證遊戲/AI詠春體驗
北上按摩 都可以帶埋小朋友!羅湖過關超方便 房間寬敞舒適
芬蘭式室內遊樂場 主打叢林探險 一大一小$68任玩1小時
復活節好去處2025 ︱全港 復活節 假期12大親子必去商城活動(不斷更新)

韓國親子遊|13個 首爾室內親子好去處 合集 主題樂園+博物館+動物園
亞洲必逛博物館 | 8大 親子博物館 推介 | 親子旅遊2025
深圳親子酒店 合集|23間推介 海景滑梯房/卡通主題親子房/酒店內有水上樂園 最平$300有找
台灣親子遊|台北14間親子餐廳推介 親子廚房+夢幻旋轉木馬+室內波波池+滑梯|台北親子餐廳
日本親子遊|京都 任天堂博物館 5歲以下免費入場 親子打機好過癮!
珠海親子遊小眾景點 珠海最高點630米 索道 俯瞰全城! |護士Vi媽三小火
查看更多   ▸