珠海 親子遊｜2日1夜放電小旅行 親子主題房 任玩逾萬呎冰雪樂園+兒童遊樂場 人均只需$5XX！

距離 珠海 口岸約半小時車程的珠海毛林金灣大酒店，除了豪華客房、行政商務房，更可選多間主題親子房，包括大黃鴨主題、太空主題、汽車主題、母嬰主題等，房間設計極具童趣。酒店套票貼心地設計為2大1小/2大2小包自助早餐，一個價錢已包括食住玩系列！

今次我哋入住太空主題親子房，唔單止裝修設計都充滿太空元素，房間內有小朋友最喜歡的小帳篷、搖搖椅。洗手間內貼心地安排小梯仔，仲配備兒童洗漱用品，樂樂唔夠高都可以自己打開水龍頭刷牙洗臉！酒店位置極方便，窗外可以望到中心湖及濕地公園景色，對面就有個超大商場，餐飲選擇之多，唔擔心冇嘢食。

酒店有2大主題樂園，入住兩日都是不限時任玩，歡迎玩到關門（如果你還有精力的話），而且落雨都唔怕，啱晒畀小朋友放電！

第一個是6萬呎冰雪運動城：有真冰溜冰/高空滑冰/飄雪/ 超快滑艇等項目，而且免費提供溜冰護具、租衫、Locker等等。樂園由早開到晚上9時，無限時入場/離場，裏面仲有一個超刺激5D影院，唔怕你玩過時，最怕你玩得唔盡興！

第二個是3萬呎兒童遊樂園 ，同樣無限時，小朋友可以坐船仔、玩沙，有2層高超巨型攀爬架、War Game、攀石、彈床、飛索，以及多部VR任玩，大人及小朋友都玩得好過癮。

今次2日1夜珠海旅行，Non-stop玩足兩日，壽星悠表示很滿足！

珠海毛林金灣大酒店

地址：廣東省珠海市金灣區三灶鎮金河東路577號

訂房按此

圖文授權：樂。悠。媽咪

其他好去處：

深圳好去處｜福田2日1夜行程推介：五星級酒店套票連 親子餐廳遊樂場 一家四口人均$300

珠海親子遊｜大型商場上蓋「糖果飛屋」主題房 一站式食住玩

深圳好去處 ︱11種 兒童職業體驗 機師/騎師/中醫師/廚師/牙醫 於Starbucks/Häagen-Dazs/麥當勞/Domino’s打工