| 日期 | 全年適用 |
深圳商場 有得食有得玩，是親子北上放電的好選擇！今次Blogger介紹一個人流比較少的隱世商場，臨近地鐵站，距離通關口岸亦只不過是25分鐘車程，商場戶外及裏面都有多個遊樂設施，小朋友玩得好過癮！如果唔想同人逼，各位爸媽不妨試下呢個行程：
今集介紹嘅係寶能環球滙，距離深圳灣/福田口岸25分鐘左右車程。如果住九龍嘅朋友仔，可以考慮搭高鐵去深圳北，再轉兩個站到塘朗站落車。
寶能環球滙（西麗店）超大，食嘅買嘅玩嘅全部都應有盡有，而且人流唔算多！F2層較集中親子玩樂，有兩個大playhouse、小火車、陶藝、手工藝；F1層有KTV、好多飾物精品店，仲有卡丁車，而戶外有彈床、旋轉木馬、以及好有型嘅機動遊戲！F3以食肆為主，仲有極客森電玩城。
今次覺得最好玩嘅係跳跳龍探索樂園（F2層），裏面竟然有用真火嘅迷你煮飯仔，仲有真油、真食材，太厲害！小朋友有得着住防水衣捉魚、捉蟹，係非常嶄新嘅體驗。另外，兩位小朋友玩得最耐嘅係動力沙，場地會提供造餅嘅模具同其他特別工具，令到動力沙更加好玩！
寶能環球滙（西麗店）
營業時間：10:00-22:00
地址: 廣東省深圳市南山區留仙大道3288號
圖文授權：提子哥哥&暖暖妹
部分內容經《Oh! 爸媽》編輯部潤飾或修改
其他好去處：
深圳好去處︱ 深圳觀瀾湖酒店 住宿連早餐 每晚低至$305+/位 免費升級行政房 必玩室內馬術體驗、兒童遊樂場
