| 日期 | 全年適用 |
珠海 海泉灣 是一個深受港人歡迎的親子度假勝地，擁有迷人的海灣風景，喺海邊浸溫泉relax之餘，亦有小朋友最愛的機動遊戲主題樂園、親親小動物的萌寵樂園，一家大細可以玩得好盡慶！今次Blogger入住海泉灣2023年新開張的酒店，環境乾淨企理，而且有超值套票優惠，即睇詳情：
海泉灣帆酒店好靚，有好多打卡位！去到嘅時候，暖暖都問咗句「我哋係唔係喺泰國？」酒店房間整潔，自助早餐味道OK。
我哋嘅套票包浸溫泉+神秘島+ 萌寵樂園門票。一去到神秘島，抬頭見到咁多機動遊戲，心諗正呀！但原來當日較刺激嘅機動遊戲冇開，提子媽無得玩，有啲失望。但其實太刺激嘅機動遊戲，都唔啱提子同暖暖，美人魚湖同無動力王國裏面嘅遊戲對於佢哋嚟講就非常合適，亦都好好玩，玩到唔捨得走，天黑先去到浸溫泉。聽聞海邊溫泉風景好靚，今次錯過咗。
萌寵樂園有動物可以親餵，地方乾淨，仲好靚，尤其係山羊屋企附近，我哋眼見鴨仔屙咗，職員立刻搵水洗刷，所以沿途都冇騷味。
遊覽兩個園區都可以租代步車，$50/30mins , $100/1 hour，$300封頂，如果扶老攜幼遊神秘島，租車係一個唔錯選擇。
最後，海泉灣帆酒店係有好多唔同房型，包括埋親子房裏面有瀡滑梯以及私人溫泉㗎！
珠海海泉灣帆酒店
地址：廣東省珠海市金灣區平沙鎮海泉灣度假區
圖文授權：提子哥哥&暖暖妹
其他好去處：
