| 日期 | 全年適用 |
一年一度嘅 士多啤梨 採摘季節又到喇！節假日想帶小朋友親親大自然，不妨去本地農場/果園摘士多啤梨，即摘即食好新鮮！今次Blogger推介一個私藏嘅本地農場，有得食仲有得玩滑梯、撈魚玩具，而且人流唔算多，小朋友玩得好盡興，家長亦可以享受悠閒的親子時光！
等咗成年終於有得摘喇！天氣好好最啱去摘士多啤梨，小朋友可以用大蕉葉餵羊羊，仲有滑梯、撈魚玩具、單車泡泡機玩。士多啤梨即摘即食，超級甜！除咗士多啤梨，仲有新鮮蔬菜、油麥菜、生菜、蘿蔔、車厘茄可以採摘，另有鮮榨新鮮蔗汁、熟番薯、粟米、雞蛋、香腸等小食，環境休閑超，我哋玩咗一個下午。
今年地方優化咗，有十多款士多啤梨品種。推介必摘：甜苺、香野、紅寶、甜查理！各有特色，細細粒嘅都好好食，又紅又甜，一啖一粒正！淡雪要等下一轉收成。
一場嚟到梗係要摘其他品種試吓啦，妙香1號都清甜嘅，但係我最愛都係「甜苺」，又香又甜。
農場係免費入場，摘幾多比幾多，士多啤梨$80/磅起，蔬菜$20/磅。現場人流唔多，士多啤梨又好食，係真心想私藏嘅本地親子好去處！
小貼士：
Facebook ：https://www.facebook.com/phoenixvegfarm
如何到達：
(一) 粉嶺站C出口，公共小巴總站乘搭小巴52K前往坪輋（在總站下車），鳳凰農場就在對面
(二) 粉嶺站A2出口，公共巴士總站乘搭79K至打鼓嶺李屋村站下車，鳳凰農場就在對面
(三) 駕車由粉嶺站出發，約15分鐘
圖文授權：初初媽媽
部分內容經《Oh! 爸媽》編輯部潤飾或修改
其他好去處：
