親子「大館」深度遊|品嚐西班牙菜+霓虹燈工作坊+免費古蹟導賞團


香港中環荷李活道10號 - 大館
劉家其實去大館嘅次數都唔算少,不過平時去到多數都係看個展覽或者看場表演就走,原本以為小朋友旨在睇Show,但點知早前同兩姐弟講開香港監獄史,二哥有點抱怨咁話次次去親大館都係走馬看花咁,好想慢慢行下大館,想仔細啲了解下大館,劉媽就即安排一場假日大館深度遊…
 
 
我哋首先去剛剛進駐大館的西班牙餐廳 1862 Bar de Tapas yVino,餐廳以大館域多利監獄 D 倉落成嘅年份命名,特意向其身處的歷史致意。
 
 
今次我哋就order咗…
  • 黑毛豬火腿球
  • 炸新鮮薯條 (伴沙律醬)
  • 西班牙黑毛豬頸肉
  • 6 個月熟成曼切戈芝士配蜂蜜
  • 西班牙地道薯仔奄列
  • 西班牙式炆雜菜配日本蛋黃
  • 1862 招牌西班牙海鮮炒飯
  • 雪糕三文治
 
可能小朋友第一次品嚐西班牙菜,加上餐廳環境十分冠冕堂皇,佢哋就覺得無論係菜式味道、職員服務或是餐廳裝潢都真係無得輸。如果想試西班牙中北部沿海地區嘅菜式,就要嚟1862試吓啦!
 
位置: 「大館」14座 D倉 – G01 號舖
 
家姐仔同二哥一直都覺得霓虹燈好有型,好想整一幅霓虹燈掛响房。所以之後我哋就去到 愛畫室 Aura Art 參加霓虹燈工作坊。
 
 

導師Michael哥哥好細心咁帶領兩姐弟從設計草圖開始,再將一條平平無奇嘅霓虹燈扭成屬於自己嘅霓虹燈圖案、文字。兩姐弟製作時埋頭苦幹咁扭,當霓虹燈掛畫完成後,佢兩個臉上即臉露大滿足表情。

「愛畫室」提供多元化藝術平台,同致力保育消失中嘅工藝,所以除咗霓虹燈工作坊,仲有其他手作工作坊同學習活動。有興趣可以去佢網站睇下仲有咩玩: https://auraart.hk ,一齊享受創作嘅樂趣!

位置:「大館」 3 座- 101 號舖

最後參加 大館 公眾導賞團。導賞團約長 45 分鐘,以粵語、英語或普通話進行。大館導賞員介紹大館逾180年歷史,由香港執法、司法同懲教嘅重地,如何搖身一變成為具歷史、文化及藝術價值嘅建築群,又講述一些大館嘅保育工作,沿途仲帶我哋參觀大館各處嘅文化古蹟展覽及各個歷史故事項目,完全滿足晒兩姐弟求知慾。

劉媽溫提:導賞團名額有限,記住預先係大館官網預約: https://www.taikwun.hk ,費用全免。

小朋友好滿意劉媽今次安排嘅 大館深度遊呀!有得食又有得玩、仲有得加深對古蹟文化嘅認識,真係1次過滿足晒3個願望。大家有時間都不妨帶小朋友一齊嚟大館,發掘一下佢潛在嘅魅力啦!
 
圖文授權:我們這劉家
 

其他好去處:

大館 一連三星期舉辦立體光雕投影匯演 公眾免費入場|新年好去處

新年好去處2025 | 全港20+新春好去處 打卡位/商場/市集(不斷更新)

年花 |8大本地花農種植場直接入貨!附挑選各種年花的貼士、保存方法

 


熱門文章

免費遊樂場|市區全新海洋遊樂場!巨型八爪魚 攀爬 塔+4大趣味設施登場
媽媽谷 | 免費加入Ohpama WhatsApp group獲得最新資訊 著數優惠
日本親子遊|東京 麥當勞 職業體驗:入真實廚房DIY兒童餐 只需港幣$50!
全港遊樂場|48兒童遊樂場推介 攀爬設施+可愛造型|親子好去處 (不斷更新)
全港首屆 夾公仔 大賽 無限代幣任夾8分鐘 逾10萬隻Chiikawa/迪士尼公仔 有機會贏iPhone 16!

送 浪琴香港國際馬術盛典 門票|集 馬術、親子、Lifestyle 於一身
沉浸式遊覽 九龍城寨 !電影展覽5大新增打卡位+驚喜彩蛋 附九龍城親子一日遊路線推介
鑽石山全新 放電空間 暢玩5,000呎室內遊樂場 每小時平均$36/位
創科@大埔2025 ︳展示學生創意成果 同場設5大好玩學習活動
「 安全社區體驗館 」設體感互動及模擬飛行 6大特色展區體驗防恐
合家歡音樂劇 《小飛俠哈囉香港》 親子套票68折 每位平均$100起
查看更多   ▸