不少家長會選擇沖繩為親子遊的地點，不單是天氣宜人、食物吸引，親子設施尤其豐富，今次Blogger「安妮媽媽親子日記」推介的「沖繩兒童王國」專為兒童打造，15歲以下免費入園，包含集動物園、遊樂園及博物館的複合式樂園，小朋友可以親身跟動物接觸！
之前聽到「沖繩兒童王國」以為係遊樂場，原來係一個有大型動物睇嘅動物園，入場費好平。場內唔係好大，但路線規劃得好好，順住走就得，可以從多角度近距離觀賞動物。
當中最受歡迎係獅子、長頸鹿、水豚、大象等。值得一讚嘅係動物園有好多休息區，係有冷氣！洗手間和育嬰室環境勁乾淨，讚！遇啱時間可以體驗騎馬和餵羊，小朋友會好開心。裏面仲有「神奇博物館」，好似科學館咁，有時間先入去行下。
中間嘅水湖可以買魚糧餵雀仔，天鵝、大嘴鳥和水鴨等，佢哋會自己游晒過嚟，好得意。
園區內有好多鞦韆玩，仲有座樹屋，打卡影相勁靚。門口位置有個小小兒童遊樂場，有得玩小火車、旋轉木馬、電動車等，設施比較舊，但小朋友依然玩得開心。
沖繩兒童王國值得安排半天輕鬆遊，大人小朋友都啱行，但記得動物園逢星期二休息呀！我哋之後去動物園對面的「海族工房」食Lunch，家庭式的自助餐，又平又好味。
沖繩兒童王國
門票： 15歲以下免費入園;15歲以上1000日圓
查詢 ：https://www.okzm.jp/information-cht/
—————————————
歡迎連絡安妮媽媽：
Facebook專頁： 安妮媽媽親子日記
IG: @Annie_mama_diary | 安妮媽媽親子日記
E-mail : [email protected]
更多好去處推介：
沖繩北部一日遊 知名水族館/古宇利島/萬座毛 包所有入場券 低至$323/位｜安妮媽媽親子日記
日本親子遊｜ 福岡住宿 推介：博多東急REI酒店 地理位置優越｜安妮媽媽親子日記
日本親子遊｜ 沖繩民宿 推介：今年新開張豪華獨立度假屋 附設私人嬉水池 可BBQ+放煙花
即登記成為Oh!爸媽會員，或加入Whatsapp媽媽谷，緊貼第一手親子資訊。
