| 日期 | 全年適用 |
想去太空館看宇宙圖像、玩科學實驗？唔想去尖沙咀同人逼，距離香港較近的深圳同樣有一個好玩的太空館，樓高三層，規模更大，而且免費入場！那就是 寶安科技館 ，館內有大量天文、物理，以及融入科技元素的科幻遊戲，以及巨型半圓的球幕影院4D影院。
之前見人介紹過深圳寶安科技館，一直都想去睇吓、玩吓，但因為預約球幕電影+4D電影經常爆滿，所以遲遲都未去，咁啱 book到球幕電影，就去睇吓喇！
呢個科技館入場係免費嘅，包括睇電影都是免費，只需要上網預約就得。整個館唔大，但體驗好多，好似香港科學館咁樣，有好多小實驗、小測試，但人流我覺得無香港科學館咁恐怖。
另外最吸引就係球幕電影+4D電影，可惜我book唔到4D電影（小貼士：球幕電影/4D電影需提前在微信公眾號「寶安科技館」預約）。但球幕電影都唔錯，卡通故事幾好睇，就算講普通話小朋友都明白。唔同日子放映故事唔同，可以留意微信公眾號。
以一個唔洗錢嘅活動體驗嚟，講其實好豐富，我地睇埋電影都逗留咗兩個半鐘。
寶安科技館
地點 : 深圳市寶安四區龍井二路
交通 : 地鐵12號線新安公園站 Exit C2（步行700米）
圖文授權：趙c9廚房 Chiu’s Kitchen
部分內容經《Oh! 爸媽》編輯部潤飾或修改
其他好去處：
廣州親子遊｜香港出發3個鐘即達 全球第2大 室內滑雪場 不同難度雪道+超豐富冰上活動
深圳野恩動物樂園 不限時遊玩+送投餵包 低至$71/位︱深圳好去處
即登記成為Oh!爸媽會員，或加入Whatsapp媽媽谷，緊貼第一手親子資訊。
