北上按摩 都可以帶埋小朋友！羅湖過關超方便 房間寬敞舒適

北上按摩 已經是唔少港人周末熱門節目，有時爸媽都想去鬆一鬆，但因為湊住小朋友只可以卻步？今次有Blogger介紹一間位於深圳東門的按摩Spa中心，佢帶埋年紀比較細嘅仔仔一齊去，小朋友瞓喺隔離睇電視，唔怕悶，仲有免費水果同飲品提供，媽媽亦可以趁機享受一下按摩服務。

去完個日本之旅實在太攰，返到香港心思思就想去按摩，今次我就帶埋Jayden一齊去。地點好方便，就喺深圳東門，羅湖過關都超方便！

一出已經係前台，職員會幫你辦好手續後，每人會有一條手帶，之後就可以到更衣室換衫，裏面有獨立洗浴和更衣空間，大浴池旁邊有的乾蒸/濕蒸桑拿房，空間非常大視野非常好，可以遠眺半個羅湖區，長期有職員喺裏面協助，乾淨衛生要比個讚。