| 日期 | 全年適用 |
「劍橋爸」今次推介的酒店位於珠海橫琴的「休閒金融區」，過關後由港珠澳大橋珠海口岸出發只係需要二十多分鐘車程便到達，交通非常方便。酒店建築面積約7.8萬平方米，採用融入當地自然環境的旅遊概念而建造，「城市綠洲」這個concept非常適合想在此「隱世」渡過一個愉快周末的家庭！
一去到酒店，「劍橋爸」便覺得這裏「東南亞resort」的感覺出晒嚟！。作為Banyan Tree旗下著名品牌出品，這裏的裝修給我一種實而不華、低調中卻帶點luxury的休閒感。
好好彩，今次我地一家被upgrade去有兩個房間連living room的「雙卧套房」。值得一提的是，這裏的地庫停車場，是可以將車直接泊喺房間所在building的lift lobby旁邊，夠晒方便。就算不是自駕的家庭，大家也可在酒店lobby乘坐高爾夫球車，前往自己房間所屬的建築物，就算行過去都只係幾分鐘左右。
配套方面，這裏早、午、晚都有不同活動供住客免費報名參與，例如小手工及手作坊、「美食小當家」一起試整楊枝甘露、甚至在室外草坪放風箏及玩frisbee等等。另外、這裏也設有兒童playroom、28度室內恒溫泳池及gym room等設施，當然唔少得resort必備的spa！
食物方面，坦白講因為這裏地點頗為隔涉，所以我們兩餐都在酒店餐廳解決。慶幸的是這裏餐廳的價位尚算可以，在使用美團優惠後，圍返比香港同等質素的酒店自助餐的價錢，都要平一大截！
珠海横琴悦椿酒店
地址：橫琴粵澳深度合作區重樓路288號
圖文獲「劍橋爸 – 育兒成長Fun享」授權轉載
更多親子好去處：
珠海親子遊 2025｜15大好去處 主題樂園/1:1太空艙/溫泉度假村/免費景點 9間親子酒店及民宿推介
廣州好去處｜《 瘋狂的麥咭 》體驗館 百分百還原明星綜藝 親子可挑戰密室闖關答題
大灣區親子遊｜「廣東峇里島」 溫泉小鎮 無限浸山谷溫泉+放電樂園+煙花匯演
即登記成為Oh!爸媽會員，或加入Whatsapp媽媽谷，緊貼第一手親子資訊。
