| 日期 | 全年適用 |
零下14度係咩感受？係凍到樂B面仔都紅卜卜、牙震震！
今次係樂悠第一次去韓國 ，估唔到之相當好玩之餘，重點是影相打卡係非常靚。韓國用左軚行車，加上冬天落雪要雪軚，只有5日假期的我們要用最少時間去盡最多地方，加上超級凍的天氣下，跟團一天遊絕對是不二之選！
從首爾出發，人均只係幾百蚊 ，10小時行程去了4個熱門景點（仲包哂所有門票入場），上車點方便，無論係東大門/ 明洞/ 弘大都有，導遊時韓國人但識講普通話+英文，所以溝通上全部冇問題。每個景點車程距離都係半小時左右，個人覺得行程安排相當唔錯，小朋友唔會話坐到好攰，又可以有時間唞唞。
行程推介：
魚飛溪谷Eobi Ice Valley
冬季限定，好值得一去，62米高的冰壁好似去咗Elsa個城堡，影相打卡超靚！
南怡島
重點行程！成日睇韓劇的浪漫場景，終於帶男朋友仔嚟到到碼頭前，導遊已買齊船飛，上船幾分鐘就到，島上每個景都好靚，超多打卡位，亦有好多唔同類型餐廳，好Chill咁望住雪景嘆了個完美午餐。路上設有火爐，小朋友買棉花糖即場燒或取暖，成個感覺好Relax、好舒服。不過跟團關係，差唔多時間就要去下一景點，Oppa導遊都建議下次自己搭鐵路嚟，留一日都好方便㗎。
江村鐵道自行車
小朋友最愛活動，本來以為凍冰冰，小朋友實叫救命，誰不知是勁興奮。一車坐到4人，一家四口剛好，上車後努力踩踩踩，踩足20分鐘，沿途會經過隧道，隧道內有燈飾有歌，超有氣氛，小朋友好開心。
晨靜樹木園
最後行程去到晨靜樹木園，期間限定，去到剛好入黑，燈飾慢慢亮起，加埋雪景真係超靚呀！
天寒地凍，玩完一日，上車暖笠笠就斷電，坐一小時就返到首爾，同樣地有3個點可落車，勁方便呀。本身唔鐘意跟團，但其中1-2天Join Local Tour係另一番體驗，推介。、
圖文授權：樂。悠。媽咪
部分內容經《Oh! 爸媽》編輯部潤飾或修改
其他好去處：
台灣親子遊 | 台中民宿推介 小朋友化身蜘蛛俠上床+超快滑梯 好玩到唔捨得瞓
韓國親子遊 | 近2萬呎首爾兒童博物館 超過100個互動遊戲 化身小小工程師/獸醫
韓國親子遊 | 7大首爾一日遊行程介紹 玩盡海陸空！放電+餵海鷗+睇馬戲團
即登記成為Oh!爸媽會員，或加入Whatsapp媽媽谷，緊貼第一手親子資訊。
