日本親子遊｜京都 任天堂博物館 5歲以下免費入場 親子打機好過癮！

任天堂博物館 可謂打機一族的天堂，未開幕已經引起全球關注！今次有Blogger一家三口去日本旅遊，就特意安排到訪呢個新開幕的博物館，有爸爸最愛的任天堂展品，亦有連小朋友都玩得好過癮的巨大化遊戲，記得最後睇埋攻略，下次去京都旅行唔好錯過喇！

呢個全球首座任天堂博物館 ，開咗4個月左右，簡直係爸爸天堂！當然小朋友都好開心，因為真是去打機。

博物館分兩層及餐廳區域，仲有户外區域俾大家影相打卡。一層係任天堂歷史博物館，館內呈現任天堂的發展歷史，由第一部出產嘅遊戲機、 第一款遊戲到依家嘅產品，唔同款式/顏色/型號一一展示，趙生簡直睇到不能自拔！（注意：呢一層唔可以影相，只可以參觀。）

參觀完就去玩喇！每人入場都有10個電子金幣喺場館體驗，而每個遊戲都需要1-4個金幣不等，但金幣用完就無得加購。大部分遊戲都好經典，而且仲是超級放大版，所以打機嘅時候真係置身其中，好過癮！不過場館越到下午越多人，所以玩遊戲要預時間排隊。

Tips：任天堂需要網上預先實名抽籤登記入場

• 最早可於3個月前預約抽籤入場
• 預約咗時間早到都無用，要跟足時間入場，但入場後無時間限制，建議登記較早時段入場，人流會少啲
• 入場館前有免費 lockers（儲物室）
• 小朋友5歲或以下免費入場，但都會有4張咭，可免費體驗4個項目

任天堂博物館

地址 ：〒611-0042 京都府宇治市小倉町神楽田56番地

交通 : 近鉄京都線 小倉駅，出閘跟指示行5分鐘

時間：10am-6pm（逢星期二休息）

圖文授權：趙c9廚房 Chiu’s Kitchen

部分內容經《Oh! 爸媽》編輯部潤飾或修改

其他好去處：

沖繩北部一日遊 知名水族館+古宇利島+萬座毛 包所有入場券 低至$323/位｜安妮媽媽親子日記

日本親子遊｜東京最啱幼兒的樂園！4歲可玩過山車？

上海LEGOLAND確定今夏開幕 全球最大樂高人偶、悟空小俠已就位

即登記成為Oh!爸媽會員，或加入Whatsapp媽媽谷，緊貼第一手親子資訊。