| 日期 | 全年適用 |
最近Lisboy每晚都會睇完 Peppa Pig 先肯瞓，復活節長假期我哋為咗海景Peppa Pig主題套房來到珠海「海灣大酒店」。奢華酒店的硬件同軟件真係啱晒一家大細，值得再次嚟玩！
一入套房就見到好多Peppa Pig，180度無敵大海景，仲見到港珠澳大橋！Lisboy一見到兩張Peppa Pig大床，開心到爆炸。房內亦有簡單嘅兒童玩樂設施、公仔、圖書俾Lisboy玩吓，Lisboy抱住Peppa Pig同龜Buddy一齊坐定定、一齊玩車仔。而且，酒店知道我哋為咗慶祝周年紀念，安排少量裝飾。間套房真係好大，等Lisboy帶大家參觀詳情：
不得不提當然酒店有個好大嘅兒童樂園，啱晒大人、小朋友遊玩。有大大個波波池、大大個彈床、大大個拼砌區域，仲有接近90度嘅瀡滑梯⋯⋯Lisboy同Lisba玩得好開心。酒店有泳池，可惜當日有少少雨粉冇得去游水，健身室都夠晒大。
而且酒店臨近海旁，啱晒我哋一家大細去漫步，海邊睇日落，兩日一夜真係唔夠喉，很想再來一次！
另外值得一提是酒店的經典Spa和頌缽，大人、小朋友都可以享受。
經典芳療Spa：超專業嘅泰式嘅按摩手法加上有助紓緩緊張嘅薰衣草精油，按摩期間亦加入頌缽元素，令我很快舒服到瞓咗，真係好似去咗海外度假咁！
喜馬拉雅頌缽冥想：由於我哋一家人預訂Spa同埋頌缽服務，所以spa中心安排咗一間好大嘅頌缽房間俾我哋，夠晒舒適。靜默期間一家三口都瞓着咗。
養生下午茶：Relax完仲有一個好有儀式感嘅養生下午茶，係酒店最新推出嘅低糖Afternoon Tea Set，英式嘅茶飲同咖啡，加上精緻嘅甜品洗滌咗我哋嘅心靈，實在太放鬆啦，就算唔住酒店都應該嚟呢度休息一下！
酒店包的自助早餐好豐富，有唔同類型野食，味道也很好，最特別係有英式班尼迪蛋、自助咖啡拉花，又玩得又飲得！餐廳有BB椅，食物又夠晒Babyfriendly，Lisboy最愛中式點心雲吞、蝦餃同人手即煮生滾粥、粉麵、煎蛋。另外有大量中、西式凍熱食、甜品、乳酪、水果等⋯連早餐都咁吸引，果然係五星酒店！
酒店2樓高級中式餐廳海灣壹品的烤鴨（片皮鴨）好出名，每日限量，要及早預訂。我哋就叫咗烤鴨套餐，包括原隻招牌烤鴨、皇家貴妃粉、涼瓜燜鴨架和上湯時蔬。廚師喺我哋面前親手片片皮鴨俾我哋，桌上還有很多配料，例如哈密瓜和糖夾住食。一隻鴨的份量好多，連埋片皮鴨嘅皮一齊食好飽。Lisboy急不及待㨴開啲片皮鴨包嘅皮，直接包咗脆卜卜嘅片皮鴨肉同哈密瓜擺落口，開心到不得了，而且每片都有脆脆嘅皮同埋香軟個肉，這套餐份量很多，四個人食都一定食得飽。
第2日Check Out後我哋仲來多次飲午茶食點心，又有可愛兔兔造型甜品同糖水，這兩日一夜太滿足了！
小貼士：酒店可預約穿梭車輛接送至各個關口；另包免費接送長隆海洋王國，早上9:30出發，玩到閉園坐17:30班車回來。
珠海海灣大酒店
地址：廣東省珠海市香洲區拱北街道拱北水灣路245號3樓
交通：金巴由香港到珠海港珠澳口岸約40分鐘車程，再叫車到酒店只係10分鐘。
圖文獲「Lazy Li’s｜你是•李氏」授權轉載
其他好去處：
珠海親子遊 2025｜16大好去處 主題樂園/1:1太空艙/溫泉度假村/免費景點 附9間親子酒店及民宿推介
台北親子遊｜5大 文化深度 親子一日遊 路線 帶小朋友邊玩邊學
即登記成為Oh!爸媽會員，或加入Whatsapp媽媽谷，緊貼第一手親子資訊。
