長隆森林王國 搭復古小火車穿越「非洲大草原」 門票+車票+食住全包僅$599｜大灣區親子遊

清遠 長隆森林王國 全新開幕！位於長隆集團新開發的度假區，首期開發面積超過4000畝，包含了長隆森林王國、長隆森林大自駕、長隆長頸鹿城堡酒店和長隆森林溫泉樂園。度假區內匯集了許多珍稀野生動物，為遊客提供了沉浸式的探秘體驗，包括搭乘復古蒸氣小火車穿越非洲大草原、自駕遊覽多彩的山林道路都是一大亮點。有Blogger參加咗2日純玩團，包來回車票、門票同食住，5小時暢遊森林王國，每位只需$599，好抵玩呀！即睇有咩咁吸引：

我地去咗週末小旅行，$599包食包住包車包船票，坐船直達南沙港再轉車直到清遠，一家老嫩玩足2日性價比高超值之選！

今團重頭戲：你以為只係普通動物園？其實仲有更多驚喜等緊你！長達5小時暢遊全新清遠長隆森林王國 ，一入園就零距離見到狒狒喺樹度跳來跳去，樂B開心到彈起！

撞啱有得自費坐上狂野飛車，1小時內駛入偽非洲，零距離餵長頸鹿、餵河馬、餵白鸛鳥。成舊南瓜掉入河馬個口，樂B話好似玩緊AIA，掉中勁興奮。其實同路線可選坐免費小火車遊園，但個人覺得係值得課金嘅。

動物園單單睇動物餵動物已經滿足唔到一眾大小朋友，園內竟然有機動遊戲玩！過山車、射水戰、旋轉木馬、飛天甲蟲等等，小朋友wee嘩鬼叫勁Happy。

當然，同動物零距離接觸也是必須的，$30買紅蘿蔔餵袋鼠、草泥馬、小鹿等，小動物都超親人，樂B全程心心眼好可愛。

臨走前你又點會估到有熊樂園內竟然有個巨型攀爬區！分為高低Level，低Level可以自由走上走落挑戰膽量，有時間的話可以加$68穿上裝備挑戰最高層，好刺激，下次必須挑戰系列！

玩足5小時攰到爆，即上車休息，落車食飯，有老有嫩方便舒服最緊要。食飽仲有得暢遊清遠女人街，悠悠又有得滿足夾公仔癮，第一日行程完滿結束。酒店乾乾淨淨舒舒服服，休息後第二日11點先出發，純玩團就是不用趕鴨仔。

第二日包埋個早午餐，導遊再帶去買海味乾貨，平時好小有機會買的我都買咗好幾樣，臨上車前再食埋個出名清遠雙皮奶，再返南沙坐船返香港，過關唔洗迫唔洗攰，係正嘅！

圖文授權：樂。悠。媽咪

部分內容經《Oh! 爸媽》編輯部潤飾或修改 

其他好去處：

大灣區親子遊｜ 江門 熊貓親子營地樂園+《狂飆》取景地+室內動物園

廣州好去處｜《 瘋狂的麥咭 》體驗館 百分百還原明星綜藝 親子可挑戰密室闖關答題

中山新主題樂園 免門票入場 過山車/峽谷漂流/親餵動物｜中山親子遊

即登記成為Oh!爸媽會員，或加入Whatsapp媽媽谷，緊貼第一手親子資訊。