深圳親子酒店｜入住太空主題親子套房 歎高質自助餐

Lisboy一歲生日造型就係太空人，我哋知佢鍾情太空之旅，假期當然要過關帶佢嚟呢間金茂深圳JW萬豪酒店入住太空主題套房，Lisboy開心到不得了！

一行入套房就見到太空人+Welcome Gift+大大張雙人床，仲有大大嘅浴室同有無數太空裝飾物。最正係有個兒童太空角落連床褥（類似太空設計嘅榻榻米），仲有好多兒童玩樂設施包括積木桌，畫畫工具等，可以俾Lisboy玩，佢足不出門都玩得咁開心！Lisboy仲抱住大大隻太空人打卡，因為我哋話太空人送咗份小王子禮物俾佢，佢就好開心一邊拆禮物。

酒店嘅自助餐餐廳仲有小型Playhouse俾小朋友玩，今次仲送咗把扇俾Lisboy，佢開心到不得了。

星級酒店嘅自助早、晚餐都好吸引。晚餐好高質，有即叫即整牛扒、龍蝦、鵝肝、大大隻生蠔等，新鮮材料好充足，係我見到少有嘅高質自助晚餐！最近酒店喺四川美食節主題自助餐，可打邊爐，食燒蠔、魚生刺身、熟食、冷盤⋯⋯同埋大量酒類飲品任飲，最後食埋嘢自製熊貓造型甜品，食物種類繁多，任飲任食！當然，自助早餐都有好多種類，包括粥粉麵飯，新鮮水果同埋大量食物即時烹制，味道新鮮，仲有Benedict egg同埋維他奶任飲。

另外，不得不提酒店嘅Lounge，萬豪高階會員可以喺27樓Lounge食下午茶同Cocktail等Check in，好多小食揀，可以食到飽飽，萬豪系列真係無得輸！

酒店仲有大大嘅泳池，好啱一家大細，但可惜當日有少少雨粉，去游咗15分鐘就返房玩了，另外健身室都夠晒大。去過世界各地JW萬豪酒店，呢間真係啱晒親子Staycation！

金茂深圳JW萬豪酒店

地址：廣東省深圳市福田區深南大道6005號

交通：福田口岸搭地鐵去車公廟站J1出口就見到

預訂按此

圖文授權：Lazy Li’s｜你是•李氏 

部分內容經《Oh! 爸媽》編輯部潤飾或修改

其他好去處：

深圳好去處｜福田新開幕10萬呎室內遊樂場 全日逾100項遊樂設施 門票平均$15/小時

精品酒店 | 藝術館還是酒店？Why not Both？｜護士Vi媽三小火

韓國親子遊｜10間 首爾親子酒店 推介 鄰近景點/主題房/兒童免費入住

即登記成為Oh!爸媽會員，或加入Whatsapp媽媽谷，緊貼第一手親子資訊。