| 日期 | 全年適用 |
「劍橋爸」一家在剛過去的周末繼續「港車北上」。我地今次決定玩遠啲，「遠征」位於珠海市金灣區接近海邊的 度假區 ！
這個度假區由港珠澳大橋珠海口岸過咗關後，揸車大約一小時左右便到達。雖然這裏相對我地之前去過的地方遠咗少少，但當我地到達時望到那個180度一望無際的海景，便知道完全值回票價了！
吃過午飯後，我地先到園區內的「萌寵樂園」參觀。這裏佔地5,000平方米，模擬Lord of the Rings（魔戒）一比一場景，讓小朋友彷彿來到一個魔幻般的世界。園區內共有20多種，合共三百多隻小動物可進行包括餵飼、照顧等深度互動體驗，其中小兔子、豚鼠、龍貓、羊駝、小豬、孔雀等動物都深受小朋友喜愛！
玩完之後，我地便去到園區另一邊的「小馬俱樂部」兒童戶外馬術活動場地。這裏可以提供深度騎乘體驗，大女兒Elise在粵語教練的指導下，也和馬匹嚟個初次交流！
玩完返去酒店房小休一陣後，我地便去到第二站「海洋溫泉」。它位於酒店旁邊，只需從酒店大堂出發慢走五分鐘便到達。這裏有全球非常罕見的海洋溴鹽溫泉，由108個特色泡池，如中藥池、土耳其浴、無邊際池等等大大小小的溫泉所組成。大人小朋友都可以在此輕輕鬆鬆浸溫泉，一邊在無邊際浴池睇着電影，一邊望着靚到爆的「鹹蛋黃」日落。
第二日早上吃過早餐後，我地便繼續樂園內其它行程。雖然有部分設施例如水上公園，因季節因素尚未開放，但我們仍然玩了不少機動遊戲，好像「海盜船」、「碰碰車」等等。之後，我們便去到園區內另一名為「無動力王國」參觀。「無動力王國」內設有40多種有趣的無動力設施，好像爬繩索、飛索、搖搖消防車、高卡車等等設施，主打係近年內地勁hit的「人肉」機動遊戲。雖然「唔駛電」呢個gimmick真係玩死家長，但大家都玩得好開心！
吃過午飯後，我們繼續在園區內玩一些大人小朋友都啱玩的活動，特別推介有「小火車」、「轉轉杯」、「旋轉木馬」以及平日非常少見的「兒童挖掘機」等小機動遊戲。
總括來說，「劍橋爸」認為這個園區非常適合一家大小親子同行。這裏員工的服務態度非常有heart，甚至比那些自稱歷史悠久的同業有過之而無不及，不會一味只顧hard sell自費項目，而是讓你在花錢的同時也覺得物有所值，這個營商態度真的值得一讚。
圖文授權：劍橋爸 – 育兒成長Fun享
海泉灣旅遊度假區
珠海市金灣區昇平大道西盡頭海泉灣度假城
其他好去處：
珠海親子酒店｜入住海景 Peppa Pig 套房 免費玩超大playhouse 必試Spa+養生下午茶
廣州親子酒店 16大推介 動物卡通主題房/獨立溫泉浴池/鄰近動物園及風景區
即登記成為Oh!爸媽會員，或加入Whatsapp媽媽谷，緊貼第一手親子資訊。
