| 日期 | 全年適用 |
溫度怡人嘅時候，就係出動去公園嘅時候啦！今日我介紹下曼城歷史和賽博朋克風格結合嘅公園（我主觀覺得）——Mayfield Park Playground。
Mayfield Park的歷史可以追溯到19世紀，呢度曾經是舊車站的遺跡。公園的重建保留了不少歷史元素。但同時，成個公園大部分嘅遊戲設施都係鋼造，令到成個觀感十分cyber！
有咩好玩：
一眼望過去，除咗感覺好新淨同好cyber之外，就係好多滑梯，啱晒鐘意滑梯嘅小朋友！喺呢個綠草如茵嘅環境中，其中一條滑梯喺跨越一條清澈小河，玩嘅夠刺激，影嘅夠打卡。
當然除咗呢條滑梯外，公園仲有好多獨特的攀爬結構和探險設施，比小朋友可以喺爬行和跳躍中鍛鍊他們的運動能力。唯一要留意就係，小朋友會玩到唔想返屋企！
配套設施：
公園內有美食車提供輕食和飲品，讓家長可以在小孩玩耍時享受一杯咖啡。
設有乾淨的公共廁所，方便家長和孩子使用。
位置：Boardman Gate Entrance, 11 Baring St, Manchester M1 2PY
公園就位於市中心，搭地鐵或者巴士都好方便，一落車就抵達！
泊車：眼見都好多人泊部車喺橋底，但真係要留意，我哋走嗰時發現周圍有碎玻璃，前3部車玻璃係爆咗嘅，所以最好就搵返室內嘅泊車地方。
圖文授權：浠姐、小肥滺與金仔
部分內容經《Oh! 爸媽》編輯部潤飾或修改
其他好去處：
英國親子遊｜曼徹斯特探親遊 10大必玩親子景點 劇院/樂園/博物館
奧地利親子遊｜ 7個奧地利親子景點推介 6歲以下免費 施華洛世奇水晶博物園/兒童滑雪學校/全球古老摩天輪
森林小火車 ￥40/位玩足50分鐘 悠閒享受唯美景致 恍如置身歐洲小鎮｜深圳好去處
即登記成為Oh!爸媽會員，或加入Whatsapp媽媽谷，緊貼第一手親子資訊。
