| 日期 | 全年適用 |
有咗高鐵依家去邊度都好方便！我哋過關嚟到呢間 廣州親子酒店 Staycation，入住恐龍親子主題房，嘆咗一個好滿足嘅兩日一夜。
Lisboy一行入房就見到瀡滑梯、帳幕、搖搖馬仔等玩樂設施，實在太興奮！而且大大張雙人床，大大嘅浴室&大浴缸，夜晚沖完涼仲可以浸浴，真係太正，足不出門都玩得咁開心。
呢間親子酒店周末會有唔同嘅親子活動俾小朋友玩，有蛋糕烘焙班、園丁班同埋消防員班。而Lisboy最緊迷上Fire Trunk，我哋就參加咗消防員班，有得着制服扮演，成個活動冇得輸！
酒店仲有個兒童遊樂室俾小朋友放電，裏面有波波池、瀡滑梯同埋電子遊戲機。
星級酒店嘅自助餐當然無得輸，晚餐好高質，有大大隻燒蠔、大量即燒串燒、榴槤蛋糕、喇沙、木瓜沙律等唔同東南亞食物任食，而且有好多新鮮材料任揀，好似新鮮潮汕牛肉用來打邊爐就最啱！魚生刺身、熟食、冷盤、甜品、雪糕同埋大量酒類飲品任飲任食3小時，好滿足！
自助早餐食物種類繁多，冷盤、熱盤任君選擇，即時人手製作嘅粥、粉麵、蛋類，味道新鮮，記得碗牛肉麵好入味，屬於好高質嘅早餐！不得不提酒店嘅Lounge，希爾頓高階會員可以喺Lounge貴賓室享用雞尾酒時間，又多小食，可以食到飽飽。冷盤熱盤咩都有，最正係有調製嘅Cocktail！
酒店仲有超大嘅泳池，有室外同埋室內泳池，而且設計好有度假風，好啱一家大細！
廣州翡翠希爾頓酒店
地址：廣東省廣州市黃埔區科學城中心區凝彩路28號
交通：高鐵廣州南站再Call車半小時就到！
圖文授權：Lazy Li’s｜你是•李氏
其他好去處：
夏日短線親子遊｜6個 廣州玩水好去處 部分免費入場 水上樂園/溫泉/漂流
深圳親子酒店｜ 好日子皇冠假日酒店 福田站步行3分鐘即達 多間親子主題客房 有高質中餐廳推介
廣州親子酒店 16大推介 動物卡通主題房/獨立溫泉浴池/鄰近動物園及風景區
即登記成為Oh!爸媽會員，或加入Whatsapp媽媽谷，緊貼第一手親子資訊。
