| 日期 | 全年適用 |
你以為係貓Cafe? 其實係一間高質 頭療 店！北上一天遊，玩完playhouse，小朋友放電，爸媽就要叉叉電，小朋友同貓貓玩，爸媽享受頭療好疏肝。
呢間頭療中心特設貓貓房，房內有3隻超得意貓貓，店主仲貼心準備咗玩具俾小朋友同貓一齊玩，冇額外收費㗎！全透明房設計＋專人睇住，安全又放心。爸媽一邊做療程，一邊都可以睇到小朋友。
頭療套餐選擇多樣，最平低至$188！考完試鬆一鬆，小朋友一樣做得。治療師會先進行頭髮分析，每個療程都包括頭部按摩、深層清潔、頭皮護理膜、薰蒸等，真心舒服到瞓着！吹乾前再導入不同功能精華液＋按肩頸，100%放鬆體驗。
距離羅湖口岸只需15分鐘車程，或者搭地鐵1個站，超方便！臨走前貓BB們仲出嚟送我地，超級可愛。店主話貓媽媽係浪浪，俾佢地收養咗之後就生咗幾隻貓B，貓B平時唔營業㗎，有緣比我地見到真lucky！
呼嚕Fulufulu Spa
地址：深圳南路3085號兆鑫匯金廣場A座14樓B02室（注意：在辦公樓層上電梯）
圖文授權：樂。悠。媽咪
部分內容經《Oh! 爸媽》編輯部潤飾或修改
其他好去處：
深圳最大 科技館 機械人同你捉棋夾Band/VR銀河隧道/航天太空艙體驗 免費入場｜深圳親子好去處
深圳按摩 10大推介 連兒童樂園都有！最啱一家大細去放鬆 近深圳灣/福田/羅湖口岸
深圳好去處 ︱深圳偽「泰國」遊：入住絕世海景度假酒店+隱世景點小火車打卡 鄰近蓮塘口岸
即登記成為Oh!爸媽會員，或加入Whatsapp媽媽谷，緊貼第一手親子資訊。
