| 日期 | 全年適用 |
周末帶小朋友去深圳龍崗， 星河Coco Park 商場入邊竟然有個小海灘，看上去很好玩！
最主要是有一個大水池可以走入去撈魚、撈烏龜仲有螃蟹，仲有船仔可以坐。阿大在水池行來行去已經很開心，阿二挑戰撈魚，發現魚游得真快，阿三喜歡撈龜和夾石頭，光在池內孩子可以玩一小時，好多家長在池邊坐着沙灘椅嘆世界。
另外也有粟米粒粒池，好像農場穀倉，無動力運送機孩子也玩上一小時；再去小萌寵樂園餵動物竟然有土撥鼠、豬、倉鼠、雀和兔子。店內有動力沙、玩具車、建築系玩具讓小朋友玩樂。
又有撈魚，又有親親小動物，整體體驗感是不錯的，不過我會睇埋各樣配套，以下是4點小意見：
1.衛生環境一般般，池裏有死魚和死螃蟹，但沒有人手在池裏管理，我手痕幫忙將死魚撈了一桶放在旁邊，但職員路過也沒為意沒處理
2.在防水衣和水靴借用區，有職員在旁協助派發和回收用過的衣物，冇留意職員有沒有每次逐件消毒，至少穿上去是乾爽的，有消毒噴霧提供。
3.倉鼠會咬傷人，籠子旁有字條和職員提醒捉、摸動物要帶手套，但是用過的手套並不見有好好消毒。
4.除了在水池入面，整體店裏的職員數量充足的，經常有職員也有在粟米粒粒池和沙池執拾。
最後，請大家自己衡量實際情況，再決定是否讓孩子入去玩：
如果你覺得：A.去得深圳都預咗冇香港咁乾淨，小朋友都大個頂得順，最緊要可以平+冷氣室內放電，值得一去。
B.我有潔癖㗎，BB又太細個，接受唔到呢種衞生程度，咁呢度唔係好適合你們。龍崗星河coco park商場有山姆、食肆，還有其他兒童放電設施，可以夏天在商場消磨一整天。
驚喜島自然探索樂園
地址：深圳龍崗星河Coco Park負一層
圖文授權：護士Vi媽三小火
其他好去處：
15個深圳 親子商場 福田/南山/寶安/龍華及光明新區 均有地鐵直達 一站式吃喝玩樂好選擇！
深圳大型 主題公園 120cm以下免票 任玩機動遊戲、長滑梯、繩網、室內遊樂場
深圳好去處｜深圳首間貓貓空間 頭療 中心 $188歎盡按摩+玩貓
即登記成為Oh!爸媽會員，或加入Whatsapp媽媽谷，緊貼第一手親子資訊。
