大埔 白鷺湖 除了是浪漫的拍拖勝地，今個暑假更首次舉辦親子樂園——【夏日水陸童樂祭All-for-Kids AquaLand 】，5大主題區域，包括乘坐水上單車打卡滿Fun童樂湖、充氣彈床、水戰War Gam，室內還有多個體感互動遊戲、親子工作坊，放電一流！即睇Blogger試玩體驗：
一個套票價錢玩盡室內戶外多個童樂區，小朋友玩到收檔都唔肯走啊！
先換定泳衣去玩水上單車，湖風涼浸浸，望住小白鷺湖景超治癒；之後大戰攤位，神射手二哥贏咗幾把水槍，然後喺大型5.5米高巨型水滑梯不斷聽到 「嘭！」 「嘭！」聲衝落水，用水槍瘋狂射水+尖叫+狂笑。佢哋一時係hea玩浮下浮下，一時水戰大亂鬥，玩到頭髮滴水都繼續Crazy Shoot！
玩完水就換衫入白鷺湖互動中心玩室內互動體感運動遊戲，有足球、馬術、風帆、劍擊，一一體驗，全部遊戲都動感十足。另外有AI照相館、自然生態主題工作坊，可以近距離邂逅國寶級珍寶爬蟲動物。玩到攰，可以去小白鷺餐廳一邊品嘗美食一邊欣賞湖景。
小攻略：
1. 場內有Locker可借用、有帳篷換衫、有水沖身
2. 建議先玩咗攤位，可以贏把水槍再去玩水戰。
3. 旺角有免費穿梭巴士來往小白鷺互動中心，穿梭巴士位於上海街朗豪坊C3出口附近，免費穿梭巴士服務時間表詳情，請留意活動官方平台公佈及更新。
夏日水陸童樂祭 All-for-Kids AquaLand
活動日期：即日起至9月7日（星期四至星期日）
活動地點：香港新界大埔滘紅林路2號白鷺湖互動中心 (Lake House)
門票價格：
星期四及星期五：港幣$128/每位(包代幣5個 )
星期六及星期日：港幣$168/每位(包代幣5個)
上午場票：上午11時至下午2時半
下午場票：下午3時至晚上6時半
圖文授權：我們這劉家
其他好去處：
12大本地 沙灘酒店 推介：親子主題房/私人海景露台/自助BBQ
暑假好去處 | 體驗一日小小農夫 限時優惠$68/位起！餵小動物×採摘蔬果×手作DIY
叮叮餐廳 全港首次登場 搭復古開篷電車+任食星級酒店美點 每位$198
即登記成為Oh!爸媽會員，或加入Whatsapp媽媽谷，緊貼第一手親子資訊。
