假期，豬仔包同埋一班朋友仔去咗廣州增城 森林海溫泉度假飯店 玩。由於我哋一行15人，去程買不到高鐵飛，所以我就選擇包車，由羅湖口岸到飯店，車程約2小時。飯店大廳很大，一旁還有投幣遊戲同夾公仔機，排隊等check in嘅時候，小朋友都不怕會悶親攪攪震。
飯店分開數個區域，房車區、樹屋區、別墅區、親子區同主樓，種類繁多，各有特色，揀酒店房都有選擇困難症。
最後媽媽同豬仔包選擇入住親子區嘅「森林親子複式套房」，貪佢有房內滑梯，早晚都可以大玩特玩。一入到房豬仔包見滑梯同溫泉池已超興奮，果然無揀錯房。
親子房嘅洗手間非常加分，除咗有小朋友梳洗用品之外，仲有適合小朋友高度嘅洗手盤，大人可以同小朋友一齊梳洗，非常正。
朋友們就住響別墅區嘅「親水四房溫泉別墅」，4家人可以獨立一幢入住，非常熱鬧。每間房都有獨立洗手間同私人溫泉池，唔使怕要爭廁所，非常適合一大班人一齊住。
立即搶購：按此
除咗有大廳可以共用之外，仲有泳池可以嬉水。親子區同別墅區非常近，就在對面，所以豬仔包同朋友仔們就算分開住，都係好方便一齊行動。夜晚小朋友一齊響房內玩滑梯，個個玩到斷晒電。
小提示：起初豬仔包玩滑梯覺得滑得慢，後來發現樓上有溜滑梯墊，套上之後再滑就快好多，安全之餘仲變成好刺激。可惜房內只有一張墊，同朋友仔一齊玩，大家要排隊等墊，媽媽覺得有多一張會更好。
飯店房濶落乾淨，每天都有免費水果一份，房價包埋自助早餐同園區玩樂費用，性價比很高，大人小朋友都玩到不捨得走。
立即搶購：按此
來源：豬仔包の開心日常（授權轉載）
其他好去處：
廣州親子遊｜ 廣州南沙金茂萬豪酒店 親子主題房限時優惠$899起/晚 萌寵餵食×無人駕駛體驗
大灣區親子遊｜入住萬畝茶園民宿 有滑梯及私人湯池 體驗採茶/製茶/DIY非遺手工
即登記成為Oh!爸媽會員，或加入Whatsapp媽媽谷，緊貼第一手親子資訊。
