大灣區親子遊 ｜大灣區有一間酒店，距離深圳只係40分鐘車程，就可以感受到度假feel！今次為大家推介東莞塘厦三正半山溫泉酒店，有溫泉、有兒童水上樂園，仲有小朋友最愛嘅泡泡party，真係好啱一家大細嚟玩水！
酒店嘅親水區高級家庭房，房內有滑梯、帳篷，適合小朋友遊玩，露台望出去就係泳池啦，一落樓就可以游水。想住得好啲，可以揀單棟別墅，有私人泳池、湯泉、3間房間，適合一班friend或者三代一齊嚟度假！
其他設施有水上運動中心、畫舫游湖、電動船、腳踏船、摩托艇、悅野俱樂部、兒童卡丁車、越野車。酒店還有山水大草坪，可以露營、睇露天電影、踩單車等。
鍾意遊樂園嘅小朋友亦可以玩轉星球親子樂園，約 2000 平方米，還有波波池。
晚上自助餐CP值超高，而家做緊東南亞美食主題，仲有各種中、西、日式美食，海鮮都好多！
來源：老闆娘 Toby 蔡裕彤（獲授權轉載）
其他好去處：
大灣區親子遊｜入住萬畝茶園民宿 有滑梯及私人湯池 體驗採茶/製茶/DIY非遺手工
大灣區七大 古城 、小鎮介紹 遊覽歷史建築/古街道 感受文化底蘊
大灣區親子遊｜「廣東峇里島」 溫泉小鎮 無限浸山谷溫泉+放電樂園+煙花匯演
部分內容經《Oh! 爸媽》編輯部潤飾或修改
即登記成為Oh!爸媽會員，或加入Whatsapp媽媽谷，緊貼第一手親子資訊。
