| 日期 | 全年適用 |
深圳酒店房間夠大、價錢夠平，而且有各種不同主題的親子套房，好啱爸媽假期或周末帶小朋友上去staycation歎一次！今次Blogger為慶祝仔仔生日，全家出動去 深圳南山 玩足2日1夜，入住新開幕的連鎖酒店，不論是家庭房還是普通客房，入住體驗都非常好，更大讃自助早餐高質，即睇分享：
為咗慶祝Lisba生日，一家人連埋長老一齊北上去咗深圳南山玩兩日一夜，今次就book咗深圳呢間性價比超高新開嘅連鎖酒店，洲際酒店旗下，當然冇得輸啦！酒店仲有特別嘅家庭親子套房，附近可以去埋中山公園、南頭古城、荷蘭花卉小鎮遊玩。
一行入家庭套房就見到靚爆嘅瀡滑梯，房間設計極具森林氣息，張兒童床都好吸引Lisboy自己瞓！小朋友玩得好開心，真係唔使出房門都得！而且套房面積足夠大，由好新淨，有自動控制燈開關的高科技，最緊要有大大張King size床，夠晒舒服。浴室同樣都好大，乾濕分離，最正是有個大浴缸俾我哋浸浴，超開心。
長老們入住嘅是普通客房，房間望到中山公園，環境清幽，雖然沒有親子套房的玩樂設計，但有張大雙人床和乾濕分離的浴室，同樣好舒服。
酒店提供嘅自助早餐都包羅萬有，冷盤、熱盤任君選擇，有即時人手製作嘅粥、粉麵、蛋類，味道新鮮，記得碗牛腩麵好入味，個人認為屬於好高質嘅酒店早餐！
酒店新開不久，啱晒一家大細入嚟住，而且泳池同健身室等設施都非常新凈，下次不妨試下嚟度假喇！
深圳南山假日酒店
地址：廣東省深圳市南山區南山大道3186號南頭城蓮花廣場A棟
預訂按此
圖文授權：Lazy Li’s｜你是•李氏
其他好去處：
廣州親子酒店 恐龍主題房 親子活動+playhouse任玩 距離高鐵站30分鐘車程
深圳好去處｜全新開幕！深圳太空館 沉浸式探索宇宙 航天員模擬訓練/火箭模型/航天講座
即登記成為Oh!爸媽會員，或加入Whatsapp媽媽谷，緊貼第一手親子資訊。
