懶人爸媽救星！兩日一夜唔使周圍騰，平平地玩2日，細路玩到唔願走！成日放假想去玩但又唔想plan，今次終於搵到心水親子度假地方！東莞 龍鳳山莊 呢個地方，從深圳過關車程約半粒鐘多啲，入到去根本唔使諗「今日去邊度」，留足兩日都夠玩。
今次住嘅嘉輝會麗呈華廷酒店，大堂雅緻，有Starbucks，唔使周圍搵咖啡，梳化位又多，好適合chill下。間房更係驚喜，空間夠大，張床又軟，最正係個大窗——望出去就係樂園嘅彩色城堡，感覺好夢幻。
小朋友嘅「放電時間」先至係重點！酒店3樓個兒童區簡直係天堂！DIY手作坊勁多款揀，波波池同沙池又夠大。爸爸可以喺樓上望住個波波池做Gym，如果想relax下，酒店養生會所仲有按摩同Spa，而家做緊優惠，趁兩個女玩得開心，去做個肩頸按摩，都咪話唔爽！
食嘢方面完全唔使煩！早晚都係自助餐，估唔到仲可以打邊爐添！海鮮、串燒、燉湯、刺身，款式都算ok。
晚上更精彩！入住酒店者晚上6點後可以免費入龍鳳山莊，入口就喺酒店門口，超方便！夜晚嘅山莊好靚，睇非物質文化遺產——打鐵花，仲有光影Show。第二日再入樂園玩，都幾大又好多嘢玩，建議要留多啲時間慢慢行，冰雪王國睇冰雕瀡滑梯，大大個城堡好夢幻打卡一流呀，唔怕高可以挑戰全長333米嘅玻璃橋，仲有彩虹滑道、雙層旋轉木馬、海盜船、過山車等。
唔想左諗右諗，想近近哋去個親子遊嘅，呢個真係唔好錯過！
酒店名稱：東莞嘉輝會麗呈華廷酒店 (龍鳳山莊店)
酒店地點：東莞鳳崗鎮官井頭嘉輝中路12號
入住及退房時間：
– 入住時間：15:00後
– 退房時間：12:00前
（前台辦公時間：全日24小時）
立即預訂：按此
作者：FB@頤貴妃吉祥（授權轉載）
更多文章：
深圳好去處｜全新開幕！深圳太空館 沉浸式探索宇宙 航天員模擬訓練/火箭模型/航天講座
即登記成為Oh!爸媽會員，或加入Whatsapp媽媽谷，緊貼第一手親子資訊。
