冬日渴望逃離寒冷，擁抱陽光與海浪嗎？海南 三亞 正是絕佳的溫暖目的地，非常適合規劃一個深度周末親子遊！以下是Blogger「諾諾三兄弟」推薦的三日兩夜精華行程，從入住坐擁無邊際泳池的度假酒店，到探索西島漁村，正計劃短途旅行的爸爸媽媽們，不妨參考這份輕鬆又充實的行程建議！
今次海南島三亞行程，我哋嘅航班係HK express早機去（8:45am），晚機返（2:50pm），機程1.5小時。因為要就學校假期，所以只係玩3日2夜，如果加日子，可以住多1-2晚其他灣嘅酒店。溫度大約20-26度，日頭中午後落水唔會凍，天黑就有少少涼意，天氣日日都好好。
住方面，選擇咗三亞海棠灣民生威斯汀度假酒店嘅家庭套房（2張2米床），有好多款房型，普通雙床房會抵玩啲，床有1.37米。酒店有沙灘，戶外繩網樂園，超長400米河道，好多個游泳池，天台仲有個270度天際海景空中無邊泳池。入住可以免費參加兒童俱樂部，仲有家庭4人單車，借漿板、獨木舟等等。
立即預訂：按此
食方面，餐廳自助晚餐靚景可以一試，中菜廳都ok，或者行5分鐘去免稅城有其他餐廳揀，叫外賣美團又得。
基本上玩2日完全唔會悶，最後一日check out後，我哋坐船去咗另一個島「西島」玩咗6個鐘。交通距離方面，三亞落機後去酒店要50分鐘，酒店去西島係45-55分鐘，跟住入西島坐船大約20分鐘，最後坐返船出嚟碼頭call車去機場，大約20-30分鐘就到。
來源：諾諾三兄弟（獲授權轉載）
其他好去處：
中山親子好去處｜7大親子好去處 免費入場樂園/兒童卡丁車/朱古力工場
新加坡親子遊｜2大藝術館 濱海灣金沙藝術科學博物館/新加坡國家美術館＋聖淘沙刺激Skyline luge體驗 動靜皆宜
即登記成為Oh!爸媽會員，或加入Whatsapp媽媽谷，緊貼第一手親子資訊。
