香港大學「許士芬地質博物館」是香港第一所正式的地質博物館，隸屬於港大地球科學系。博物館佔地600平方米，分為兩層展區。館內收藏超過一萬個樣本，大部分由曾於香港開採礦產的許士芬先生捐贈，樣本來源涵蓋香港、中國內地及世界各地，非常適合帶小朋友前往參觀學習。Blogger「護士Vi媽三小火」近日分享了她的參觀感受，現在就為大家介紹一下：
最近我家三小火突然對「石頭」產生咗極大興趣，平時行山同去公園都會執石頭研究，又會喺學校同同學自製銀紙買賣石頭。見佢哋咁熱衷，我就決定帶佢哋去一個比較「低調」但絕對係寶藏級嘅地方——位於香港大學嘅 「許士芬地質博物館」！
作為護士媽媽，我一直覺得大自然就係最好嘅老師。呢度唔單止有冷氣（避暑一流），最重要係可以系統性地俾小朋友睇到地球嘅演變。
1. 大型動感地球擺設
視覺顯示給小朋友原來地球嘅結構，演變和動態變化，一進博物館便感受到地球科學的主題。
2. 岩石與礦物大集合
小朋友一入去就俾啲閃令令嘅礦石吸引住！由色彩斑斕嘅螢石到透明嘅水晶，小朋友直情睇到眼定定。原來平時腳下踩住嘅泥土，入面隱藏咗咁多唔同種類嘅礦物！
3. 恐龍化石與古生物
2樓展館入面有好多古生物化石，連恐龍蛋化石都有！超級稀世珍品！
4. 互動學習區
館內有啲互動地圖同埋展示，可以解釋香港嘅火山活動同埋地形形成。雖然對小朋友嚟講可能有啲深，但透過視覺效果，佢哋慢慢明白地震、板塊和火山等等的關係。
小貼士：
• 位置： 港大本部校園厲樹雄科學館，可以搭港鐵到「香港大學站」A2出口，行過去好方便。
• 預約： 博物館公眾參觀不用預約，進入港大需要預先登記。留意返官方開放時間，建議出發前去佢哋官網 check 清楚，費事白跑一趟呀！
今次參觀唔單止滿足咗三小火嘅「石頭癮」連我自己都學到唔少嘢。地質學看似枯燥，但細心看看，其實每一塊石頭背後都寫住地球幾億年嘅故事。有空的時候，帶小朋友去香港大學許士芬地質博物館，探索奇妙的石頭世界吧！
地址：港大本部校園厲樹雄科學館地下及一樓
費用：免費入場
開放時間：周一至周五 13:00 – 18:00（周末、公眾假日及大學假期休息）
作者：何穎恩姑娘
部分內容經《Oh! 爸媽》編輯部潤飾或修改
其他好去處：
邊浸溫泉邊睇動物的 溫泉樂園 特色VR投影湯池+多種滑梯嬉水設施｜護士Vi媽三小火
珠海 2日1夜親子遊 五星級親子酒店連樂園門票 人均$2xx 美國國家地理授權遊樂場/逾3萬呎彈床樂園/VR主題樂園 ｜初初媽媽
珠海海景 度假區 5萬呎萌寵樂園+兒童馬術俱樂部+全球罕見海洋溫泉+逾40種無動力設施
即登記成為Oh!爸媽會員，或加入Whatsapp媽媽谷，緊貼第一手親子資訊。
