周末想帶小朋友來一趟短途親子遊？深圳南山區是個不錯的選擇！兩日一夜可以入住超受歡迎的滑梯主題親子房，玩南頭古城、童話風梅拉尼亞小鎮及潮流藝術熱點萬象天地。親子Blogger「海馬仔 · 海馬媽媽」最近帶兩個孩子實現「住滑梯房」願望，並在其專頁分享詳細行程與貼士，一起看看她的體驗。
細佬話想住滑梯主題房，今次深圳親子行終於幫佢願望達成。揀咗南山假日酒店，真心覺得性價比高，酒店新淨舒服，最大賣點係房內有滑梯，兩個細路見到滑梯勁興奮，玩到唔肯出房，而且各種兒童用品設備一應俱全，大人同細路都住得好舒適。
酒店位於南山大道上，地理位置一流，距離地鐵站只需幾分鐘步行，周邊景點密集，無論係復古味十足的南頭古城、輕鬆悠悠的中山公園，抑或潮流與藝術兼備嘅萬象天地都近在咫尺，仲有童話世界感滿滿的梅拉尼亞小鎮。
房間設計有驚喜，設有一張大床同一張單人床，浴室又大又乾濕分離，最正係有專為小朋友設計嘅洗手盤同沖涼花灑。早餐選擇豐富，中式、日式、西式都有，爸媽同小朋友都啱口味。
Day 1｜入住深圳南山假日酒店 → 零食很忙 → 46樓食夜景自助餐
先到酒店放低行李，同小朋友留在房間玩滑梯。之後可步行或打車到「零食很忙」購買零食。晚上再打車去星璞全日餐廳（深铁皇冠假日酒店）食自助餐，周末638人民幣/2大2小。餐廳位於46樓的自助餐餐廳，可飽覽南山區夜景。食物種類不算太多，但乾淨同味道好，有即燒海鮮、刺身、燉湯、熱盤、冷盤、甜品、海南雞飯、任飲紅白酒、啤酒、汽水果汁。最後回到酒店小朋友繼續玩滑梯，大人也可以去健身房做運動。
Day 2｜梅拉尼亞小鎮 → 萬象天地打卡藝術展 → 巨人展 → 南頭古城
早上在酒店享受豐富早餐後，小朋友繼續多玩一陣滑梯，然後出發前往梅拉尼亞小鎮。小鎮有歐洲風格建築和手工甜品店，每一角都充滿歐陸風情，如果喜歡打卡，很值得一去。接着可以到萬象天地，今期最Hit的「巨人展」一定要看！商場內食肆眾多，推介「花廚」，環境舒適以花為主題，提供意粉、薄餅、花茶和咖啡。商場還有各種親子或創意工作坊，足夠安排一整個下午悠閒逛玩。如果尚有腳力，不妨再到南頭古城，那裏有不少文藝小店、地道美食和打卡餐廳，日日夜夜都很熱鬧。
圖文獲 海馬仔 · 海馬媽媽 授權轉載
其他好去處：
台北親子遊｜5大 文化深度 親子一日遊 路線 帶小朋友邊玩邊學
即登記成為Oh!爸媽會員，或加入Whatsapp媽媽谷，緊貼第一手親子資訊。
