周末不想宅在家，想帶小朋友來一趟短途親子遊？惠州絕對值得考慮！兩日一夜行程暢玩三大免費景點：充滿自然氣息的惠州植物園、風景優美的惠州西湖，以及古色古香的合江樓。親子Blogger「海馬仔 · 海馬媽媽」最近帶2個孩子親身體驗，並分享食住玩完整行程與實用貼士，一起看看她的推介吧！
想帶小朋友去旅行又唔想舟車勞頓？今次我哋坐直通巴士直達惠州，發現原來呢度超適合親子！唔單止好食好住，仲有好多「零元預算」嘅免費景點，大人小朋友都玩得超開心！分享返我哋嘅行程：
Day 1：城中心 Chill 住玩
– 出發：香港直通巴士直達惠州佳兆業雅高鉑爾曼酒店 Pullman。酒店就喺商場上面，配套超方便！
-下午茶：酒店附近大把選擇，醫完肚先開始行程。
– 傍晚：去合江樓睇日落！呢度風景一絕。小朋友喺附近跑跑跳跳，行埋旁邊嘅水東街市集。
– 晚餐：去華貿天地逛街+晚餐，順便去按摩鬆一鬆，大人小朋友一齊享受。
Day 2：大自然放電 + 文青打卡
– 早上：必嘆酒店自助早餐！再去健身室同46樓恆溫游泳池，小朋友玩水最興奮。
– 科普景點：惠州植物園（免費入場），溫室入面超宏偉，好似新加坡出名的森林公園咁，入邊有大量植物，係絕佳嘅科教點！
– 西湖散步：到訪經典嘅惠州西湖，湖光山色超靚。午餐可去隔離嘅祝屋巷，呢度係由老宅改建嘅創意園區，好舒服又有得打卡！
– 回程前：返去華貿天地逛街，玩埋夾公仔同電動車，買埋食物手信回去了。
– 最後衝刺：經過朝京門感受古城氣息，然後坐直通巴士回港。
非常推薦大家揀惠州 Pullman 酒店，五星酒店環境乾淨舒適豪華，位置無得輸，落樓就係商場（佳兆業），去華貿天地都好近。惠州的景點包括植物園、西湖、合江樓通通都係免費，呢趟旅行 CP 值極高！下次快閃兩日一夜你哋有多個好選擇啦！
圖文獲 海馬仔 · 海馬媽媽 授權轉載
其他好去處：
深圳好去處｜南山2日親子遊懶人包 住滑梯主題房/遊南頭古城/打卡梅拉尼亞小鎮｜海馬仔·海馬媽媽
台北親子遊｜5大 文化深度 親子一日遊 路線 帶小朋友邊玩邊學
即登記成為Oh!爸媽會員，或加入Whatsapp媽媽谷，緊貼第一手親子資訊。
