| 日期 | 全年適用 |
Lisboy放暑假，未飛之前當然過關帶佢嚟 深圳 玩吓，今次我哋選擇全新裝修嘅 深圳福朋喜來登酒店 。親子房可愛到爆，特設小童泳池玩得安心，中餐＋早餐＋下午茶都好有水準，令Lisboy呢趟生日之旅「食玩瞓」都有齊，好啱親子stayction！
我哋入住小羊米婭Mia親子房，連拖鞋都係羊羊造型，Lisboy一見到即刻笑到停唔到口！裝修之後煥然一新，而且仲好智能。房內有智能語音控制冷氣、燈光、窗簾，以及65寸高清大屏電視。除咗大大張親子雙人床外，仲有一間靚靚雙床房，加上洗手間乾濕分離，一家4口都夠晒空間，舒服又方便！
最推介酒店泳池，面積足夠大，一家大細都可以一齊玩，仲有專人看管的有小童池，Lisboy可以安心游水，爸爸就可以去健身室放鬆享受Me Time。
食物方面都好滿意。酒店中餐質素高，所有菜式都好精致，其中最令我哋驚喜嘅就係會有廚師喺我哋面前現場整片皮鴨，小朋友睇得開心，食得仲開心！自助早餐選擇超多，熱葷、冷盤都有，仲有即煮辛辣麵，完全滿足唔同口味嘅人，想清淡得，想刺激又得。不得不提酒店大堂Lounge嘅Afternoon Tea，芒果、榴槤主題下午茶係我最愛，每一樣都好吸引，仲有啤酒優惠買1送1，好適合同朋友/家人一齊慢慢享受。
最後都要大大讚酒店服務：有穿梭巴士去市中心及口岸，帶住小朋友入住更輕鬆。
深圳福朋喜來登酒店
地址：廣東省深圳市福田區桂花路5號
圖文授權：Lazy Li’s｜你是•李氏
其他好去處：
LABUBU登陸深圳南山後海 10米高充氣裝置 設免費抽獎活動 即睇6大打卡點
新皇崗口岸 懶人包︱7月底試行 一地兩檢5分鐘通關 一文睇清交通安排＋附近親子商場
大灣區好去處｜東莞塘廈 三正半山溫泉酒店 兩日一夜攻略｜護士Vi媽三小火
即登記成為Oh!爸媽會員，或加入Whatsapp媽媽谷，緊貼第一手親子資訊。
