地址 | 愉景灣大白灣沙灘及愉景廣場 |
對象 | 3至10歲 |
網址 | http://www.dbeasteregghunt.com/web/zh/index.php |
日期 | 2018年 3月30及31日 |
時間 | 上午10時30分至下午6時30分 |
早前成功登記獵蛋證嘅爸媽,仲有一星期就到「愉景灣沙灘獵蛋奇兵」活動嘅大日子喇,心情一定期待又興奮。不過帶小朋友出外玩,又點可以唔做足準備工夫呢?就等我哋俾定貼士大家啦!
試過帶小朋友去沙灘嘅爸媽都知,小朋友一定玩到成身沙,加上大型充氣遊戲,必定玩到大汗淋漓。爸媽最好準備至少一套乾淨衫褲,玩完就去沙灘盡頭嘅更衣室沖洗手腳,今年場地仲增加沖腳處和流動洗手間,各位爸媽可以更方便快捷地幫小朋友換返套乾淨衫,再去繽紛天地繼續玩過。
提提各位家長:主辦單位基於衞生考慮,規定獵蛋奇兵必須着襪先可以參加繽紛天地嘅充氣遊戲,否則會被禁止參加,家長記得啦~
▲步出碼頭向右望,就是大白灣沙灘。
▲每位獵蛋奇兵報到時將獲發歡迎工具包,內有一套獵蛋工具﹅獵蛋入場貼紙﹅沙灘蓆及活動資訊小冊子等,確保爸媽可以跟小朋友輕鬆去掘蛋!
▲沿着沙灘向前走,可看到指示板指示沖身及更衣室位置。
▲小路行入去,左邊就是更衣室。
▲掘完蛋換過套乾淨衫就可以再玩過。
▲基於衞生考慮,小朋友記得着返對襪仔先玩充氣遊戲!
小朋友容易口渴和肚餓,愉景廣場有齊超級市場﹅快餐店﹅餐廳、便利店等商戶。今年活動單位特別邀請咗全素美食車「擦餐飽」進駐愉景廣場,為大家帶來不一樣嘅健康素食新體驗,爸媽們可以省卻為小朋友準備遠行糧餉嘅時間。而且場內亦有匯豐同中國銀行嘅櫃員機,真係寧捨方便!
▲由愉景灣碼頭步出向左走,幾步就到愉景廣場。記得準時到達,同埋帶備電子獵蛋證列印本報到。
▲有小朋友喜愛的快餐店。
▲大型超級市場,吃喝、日常用品統統齊備。
▲全素美食車,結合健康素食、傷健共融、地道文化於一身。
每名入場嘅獵蛋奇兵將於報到時獲發一個歡迎工具包,內附一本活動資訊小冊子。只要憑小冊子內的4張換領券,便可前往「免費渡輪服務台」辦理手續。每張換領券可換1張即日指定時間的船票,輕鬆返回中環3號碼頭或荃灣西海濱碼頭。提提你,每班渡輪均有名額限制,先到先得,換完即止。
▲獵蛋奇兵回程時可憑渡輪優惠券到「免費渡輪服務台」換領免費船票返回中環3號碼頭或荃灣西海濱碼頭。
如果活動當日風和日麗,當然玩得盡興;但有時天氣不似預期,如果當天落雨同埋天氣惡劣,活動都有機會延期或者取消,所以出發前,除了要檢查有否帶備已列印的獵蛋證及特惠登船證外,仲要留意香港愉景灣Facebook專頁上載嘅最新資訊及安排,咁樣各位爸媽同小朋友都可以玩得安心又放心啦!