| 地址 | 東區 |
| 日期 | 全年適用 |
越來越多室内遊戲室進駐東區，今次整合了這區的親子好去處畀各位爸爸媽媽，等爸媽同小朋友想去東區玩嘅時候唔駛咁頭痕！
Ryze——對於活潑好動的小朋友，相信這個彈床樂園就最啱佢哋放電啦！爸媽記得要預先在網上買飛，可以玩足60分鐘。如果帶小朋友嚟(18歲以下)就要簽一份家長同意書，建議大家都係喺網上先填好印出嚟，如果唔係嚟到先填呢樣嗰樣就好煩。因為場內係大人細路一齊玩，所以以防萬一要好好同小朋友講清楚先入去玩，入面有彈床、獨木橋、海綿池及吊臂等等，對小朋友嚟講呢度都好夠玩！
Verm City——Verm City係位於北角嘅全港最大型的攀石場，場內分了兩邊，一邊是供非常專業的攀石人士進行活動，另一邊是一家大細都可以參與的攀爬牆和大型設施。Verm City更是全港首個設有「擴增攀岩牆」（Augmented Climbing Wall）的攀石場地，「擴增攀岩牆」是將攀石與擴增實境 （Augmented Reality）結合，讓參加者一面攀石，一面利用投影玩球類運動或遊戲，增添互動元素、挑戰和玩味。場地一角亦設置枱椅供30人休息或進行討論，適合包場開派對、做團隊活動或企業培訓。最重要的是，場內教練全部獲得國際認可攀石教練牌照，非常專業，家長可以玩得安心。
渣華道體育館兒童遊戲室——位於渣華道市政大廈的渣華道體育館兒童遊戲室，以歡樂森林做主題，設施不多，面積約112平方米。
港島東體育館兒童遊戲室——這裏的主題是迷失森林，雖然沒有好大型的設施，但有全港唯一的推波波設施，深受小朋友歡迎。
小西灣體育館兒童遊戲室——位於小西灣綜合大樓，以香港城市景做主題。場地都幾大，有個謎宮設施，仲有格網設施，足夠讓小朋友玩足半日！
其他詳情：
鰂魚涌公園——鰂魚涌公園並非在鰂魚涌站，而是在港鐵太古站。公園超大，劃分了四個小區，例如架高遊戲區和鞦韆區，單單係韆鞦就已經有12個。裏面嘅遊樂設施超好玩，可以訓練小朋友好身手。鰂魚涌公園亦有栽種櫻花樹，主要是日本的富士櫻，生長於平地，此花原是在富士山山麓、箱根等地原生，特徵是單瓣而小，且呈粉紅色的花蕊，3至4月都可以來賞花！園内有長達640米的單車徑，有直路有彎路，路面平直安全，許多小朋友都喜歡在這裏一展身手。但由於裏面未有單車租賃，要踩的話記得要自備啊！
小西灣道花園——住在柴灣、小西灣一帶的小朋友，可以到小西灣道花園踩單車。裏面有約長240米的單車徑，直路、彎路也有，雖然單車徑不算太長，但勝在道路寬闊，而且又配有不少道路指示，適合初學單車的小朋友前往，一嚐做「小司機」的樂趣。
鰂魚涌寵物公園——有養狗狗的家庭可以去鰂魚涌寵物公園放放狗，鰂魚涌寵物公園是一條垂直的海濱長廊，拖住狗狗嚟散步吹吹海風望望維港，真的幾舒服寫意，唔怕狗狗嘅小朋友一定樂而忘返。
其他詳情：
柴灣游泳池——柴灣游泳池有3個嬉水池，當中有小型滑梯和噴泉，啱晒幼童玩。
(康文署網頁圖片)
港島東游泳池——港島東游泳池有2個室內嬉水池，內有水槍可以大戰，又不怕會曬黑曬傷；鄰近還有香港電影資料館，可以順便參觀，啱晒一家大細來消暑！
(康文署網頁圖片)
其他詳情：
葛量洪號滅火輪展覽館——「葛量洪號」滅火輪於1953年投入服務，2002年退役前，一直是香港消防處滅火輪隊的旗艦，曾參與無數船舶及沿岸重大火警的撲救工作和海上救援任務。「葛量洪號」在香港黃埔船塢建造，除了見證香港的消防歷史外，亦充分反映香港五十年代造船業的成就。展覽館除咗帶俾我哋香港海上救援歷史嘅認識外，仲可以實地登船參觀唔同嘅設施同設備，令人大開眼界，能夠滿足小朋友對消防員知識嘅求知慾之餘，大人都學到嘢，可算係一個親子閒遊嘅好去處。
其他詳情：
大潭水務文物徑——從郊野公園入口起步、沿大潭水塘道走到第八站，很快便看見歐洲風格的典雅石橋西岸石橋，橋上遙望十分宏偉的大潭篤水塘水壩，橫亙於青山綠水的百年古蹟之中。走到大潭道水塘盡頭，未尋得壩底，卻看見一座英式紅磚屋、幾座白色平房和一支紅磚煙囪，原來該處是文物徑第十站，紅磚屋是大潭篤原抽水站，也是香港最古老的泵站，幾排平房乃員工宿舍，加上高19米的煙囪，全部被列為法定古蹟。如果那段時期多雨，就能在文物徑第九站的導賞牌附近的水壩壩底看到瀑布，小朋友一定看到不願走！
鰂魚涌柏架山郊野公園——柏架山最適合一家大細及街方街里嘆個早茶之後去行，因為山腳就已經係鰂魚涌與太古交界，搭港鐵一出閘5分鐘都已經可以行到山腳。由起點行唔使20分鐘就去到「林邊磚屋」，前身係太古糖廠及職員宿舍，依家已經係二級歷史古迹，同埋改建為生物多樣性自然教育中心，行上啲啲仲可以去到鰂魚涌樹木研習徑和大風坳。除大風坳一段路，其他位置幾乎都有樹蔭，所以絕對係親子行山其一之選；郊野公園裏亦有個燒烤場，一家人來BBQ都不錯。
小西灣至大浪灣——屬初級程度的路綫，預計步行兩個鐘。小朋友最鐘意接觸大自然，聽聞呢度常有野豬出沒，雖然它們不怕人，但都要小心安全。去到大浪灣可以吹吹海風影下相，都係一個挺好的家庭活動。
其他詳情：
誠品太古店——誠品太古店分2層，店內藏書超過24萬冊，閱書區比台北24小時書店大1.5倍！誠品太古店擁有誠品全港最大的兒童閱讀空間，提供上萬冊兒童書籍，從幼兒圖書至兒童讀物一應俱全。兒童館內設有12張精心設計的蘑菇椅，還有半開放式的木製藤架空間，小朋友可以在館內盡情閱讀，還有多款玩具試玩，空間比其它兩間誠品寬敞。除兒童書籍外，店內亦提供超過7,000件益智玩具和教材，父母試玩後可自行選購。誠品生活太古店以「家」為主題，引進47個美好生活品牌。除豐富的藏書外，亦能找到很多本地的文創品牌，無論爸媽定係小朋友都一定行得開心。
AEON康怡店——商場樓高4層，G樓有約10間餐廳營業的美食廣場和超級市場，1樓的家品有床上及浴室用品、廚具、電器和傢俬；2樓就賣爸媽潮流服裝；3樓的Kids Public由玩具部、嬰兒和兒童用品部組成，現場有三輛跑車型購物車供爸媽使用，小朋友乖乖坐在車上，就不會到處走。同層亦有Molly Fanatsy，設有多款機動遊戲，啱晒好動愛刺激的小朋友。
炮台山紅磡冰室——呢度環境唔錯有好多卡位，具有西式感覺，而且服務態度都好，小菜類價格約$60-80，特別推薦菠蘿炒飯，真係成個菠蘿蓋放上嚟，打開個蓋一陣陣菠蘿香飄過嚟，而且個飯仲熱辣辣、雞肉超嫩滑，炒飯勁爽唔會好濕住黐立立。
其他詳情：