| 地址 | 香港迪士尼樂園 |
| 網址 | http://www.hongkongdisneyland.com |
| 日期 | 2018年 9月13日至10月31日 |
萬聖節係西方國家嘅傳統節日，不論大人、小朋友都會係呢一晚扮鬼扮馬，走到街上面，就好似參與一個盛大嘅化妝舞會，人人都盡情慶祝，十分熱鬧！
想一家人係萬聖節過得更盡興？就要同小朋友預先溫習一次慶祝萬聖節嘅傳統習俗。準備好就由爸爸媽媽用「萬聖節詭魅投影器」開始講故事喇！
喺好耐好耐以前，西方國家嘅人就開始在每年10月31日慶祝萬聖節，傳統認為呢日係黑暗世界同人類世界最接近嘅日子。萬聖節嘅英文「Halloween」，其實係「All Hallows’ Evening」嘅縮寫，有著「萬聖夜」嘅意思。而香港迪士尼樂園嘅惡門已經打開，由依家到10月31日萬聖節當日舉行Disney Halloween Time，等大家一齊盡情慶祝。
依？邊個喺天上面飛呀？米奇和米妮披著斗蓬、戴著女巫帽子、騎著掃把，睇嚟係準備好慶祝萬聖節喇，佢哋到底會點樣慶祝呢？一齊睇吓一班迪士尼朋友嘅示範，學識咗，入嚟樂園玩Disney Halloween Time就可以更投入啦！
睇吓！高飛打扮成木乃伊咁嘅樣呀！打扮嘅英文就係「Dress up」。原來喺Halloween當晚，大家都會穿上不同嘅造型服飾及戴上面具，扮成惡人，例如女巫、海盜、大壞蛋，亦有人扮成公主或者英雄，你又想裝扮成邊個人物呢？
香港迪士尼樂園亦都好歡迎小朋友喺萬聖節期間打扮得「詭詭怪怪」，投入Disney Halloween Time呢個party。打扮得可愛、突出嘅小朋友，更加有機會被邀請喺下午舉行嘅「米奇Halloween玩轉大街派對」中到台前唱歌跳舞！
除咗小朋友可以打扮之外，南瓜都會扮鬼扮馬！大家會挑空南瓜中間果肉，扮成有眼、口、鼻嘅趣怪燈籠，製作南瓜燈籠嘅英文係「Pumpkin Carving」。想見到佢哋嗎？
迪士尼樂園入面有好多個米奇南瓜燈籠，更有一個超巨型嘅南瓜大王喺美國小鎮大街坐鎮，到咗夜晚仲會有燈光由南瓜中透出來，好有節日氣氛㗎！
講到萬聖節嘅節日活動一定唔少得玩Trick-or-treat，意思係「不給糖就搗蛋」。當晚，小朋友會拎住一個個器皿去各家各戶大叫：「Trick-or-treat！」，然後屋主通常都會派糖俾小朋友袋好。
嚟到樂園一樣可以玩trick-or-treat，幻想世界入面嘅「Halloween 詭趣花園」仲可以DIY Trick-or-treat袋仔。睇吓邊個小朋友個袋仔最靚、可以拎到最多糖？
Eating！萬聖節同其他節日一樣，當然要eat！食一餐豐富嘅盛宴去慶祝，除咗糖果之外，用蘋果或南瓜製成趣怪造型嘅美食，都係萬聖節嘅應節食品。
迪士尼樂園入面嘅餐廳新出咗好多以萬聖節為主題嘅套餐同小食，仲有迪士尼朋友嘅造型係上面，好可愛㗎！你會唔會唔捨得食呢？
今個萬聖節，不如我哋都好似圖入面嘅小朋友咁，穿上可愛嘅服飾，拎埋你親自設計嘅Trick-or-treat袋仔，靜靜雞走到朋友仔身邊叫一聲：「Boo!」，祝佢哋萬聖節快樂！記得唔好嚇親佢哋！
學識完一系列萬聖節嘅傳統，係咪都好想快啲開展一個開心又趣怪嘅萬聖節之旅呢？依家樂園更推出雙重節日優惠，成人只需港幣$669，小童只需港幣$495，就可以於12月30日*前入園2次，玩盡萬聖節同聖誕！立即了解更多：http://bit.ly/2zxKgNK
*優惠門票不適用於2018年12月23至26日。此優惠只適用於香港居民及指定入園日子。優惠不適用於長者門票。
受條款及細則約束。詳情請瀏覽樂園網站。