| 地址 | 九龍區 |
| 日期 | 全年適用 |
小朋友有無窮精力，所以爸媽不時都會帶佢哋去公園放電，等佢哋可以暫時放低學習嘅壓力，而自己同時又可以有休息嘅空間。以下為大家介紹16個九龍區嘅好玩遊樂場，平日食完飯記得Check吓附近有冇公園，帶小朋友去玩餐飽！
新界區兒童遊樂場
荔枝角公園位於深水埗西，交通非常方便，而且總面積達17.65公頃，提供多項玩樂設施，除咗放電遊樂場之外，仲提供游泳池、體育館同圖書館等設，可以玩足一個下午！
▲一入公園門口就可以見到呢個一開三嘅瀡滑梯。
▲呠呠！火車即將開出，小朋友記得坐穩喇！
▲遊樂場設施真係好多！
▲蕩韆鞦
▲小型攀石架
▲仲有呢個海盜船玩樂裝置。
▲公園嘅中庭花園非常古色古香，有山、有水，係絕佳嘅影相靚位！
▲荷花池，水中住咗好多鯉魚，不過爸媽記得千祈唔好俾小朋友亂餵嘢食！
▲有一片大草地，好多人都會喺周末時間去野餐。
更多詳情：
【呀劍萬帥】玩足全日: 荔枝角公園徹底大攻略
地址：荔枝角百老匯街
交通：
乘坐港鐵或西鐵→美孚站A出口，步行約5分鐘
開放時間：24小時
－－－－－－－－－－－－－－－－－－－－
位於彩虹嘅彩榮路公園，係香港少有嘅岩石公園，由於公園前身係平山石礦場，所以留存咗好多奇形怪狀嘅岩石。如果略嫌齋玩瀡滑梯無新意，可以帶小朋友嚟呢度，親手摸摸岩石嘅觸感！
▲公園入口係一座幾乎5層樓高嘅升降機，比較隱蔽，相信應該比其他遊樂場少人。
▲公園內有展示牌，話你知岩石係點形成同埋各種類嘅特性。
▲每塊岩石都有詳細嘅介紹。
▲相信小朋友一定會覺得好新奇！
▲睇完岩石，可以落一層，有個小型遊樂場等緊小朋友！
▲遊樂場以攀爬為主，有多種唔同玩法。
▲鐵造攀石架
▲現場都有適合幼兒嘅設施。
更多詳情：
【免費戶外遊樂場】彩榮路岩石公園
地址：彩榮路88號
交通：
1. 港鐵彩虹站A3出口→專線小巴83A（總站彩福邨）
2. 於彩雲村/九龍灣港鐵站步行前往
開放時間：24小時
更多親子資訊：
【袋實啦！】全港 16間 親子餐廳 大檢閱
下一頁：更多九龍區放電公園－牛池灣、坪石