唔知幾時可以再去旅行呢？好掛住去日本摘水果，真係好好玩架！唔緊要，其實香港都有得親手摘提子架。上星期湊住兩個囡，又藍天白雲，無理由係屋企吽咁浪費，唔近近地帶左佢地去摘提子。
提子既當造期係每年5-8月，早兩年摘過一次香印提子，真係粒粒飽滿，仲食到清甜花香，真係好好味，雖然香港同日本既氣侯唔同，但品質都唔差。今次我地摘既就係巨峰，一串串提子吊係樹上真係好可愛，雖然曬到眼都睜唔開，但都忍唔住逐串睇，想揀最靚既先落手去剪。巨峰提一定要夠紫先熟透，夾雜綠色既提子係未成熟既，千祈唔好摘，因為會酸澀架！
