RunningBabyWild 望夫山頂找媽咪

RunningBabyWild 望夫山頂找媽咪

望夫山，上邊有一座望夫石，外型好似一個媽咪背著一個BB，高高位於紅梅谷一個小山頂之上，一企就幾百個幾百年了。今日，我地就係要去揾呢位媽咪。

望夫石位於沙田紅梅谷，熱門晨運山路。事源因為當中山路四通八逹，樹蔭多，起步石級穩，中間路平，尾段一條氣直上，由紅梅谷出發計算，4歲小朋友大約用1小時，便可輕鬆到逹山頂（未計算中間多次時空停頓，尋找草叢間小生物）。

路線：新翠邨巴士總站＞＞愉景花園傍邊大斜路＋樓梯＞＞紅梅谷燒烤場（獅子山郊野公園入口）＞＞紅梅谷引水道＞＞望夫石＞＞紅梅谷引水道＞＞頭新村豆腐廠廠＞＞沙角邨Brunch

#新翠邨巴士總站，由呢度做起點，有幾個原因: 1/傍邊有間7-11便利店可補給，2/ 早餐可以於商場內解決，3/呢個起點不晒太陽地方大等人好方便。當然可以於紅梅谷燒烤場做起點（文未有交通貼士）

#紅梅谷燒烤場，出發前可以先去洗水間，因為直到山頂無厠所了。

#紅梅谷引水道，行到中斷路，有一條引水道，一直向望夫石的指示牌向上行。　回程時可選擇“打橫行＂，目的地變咗去頭新村豆腐廠。（回程落山時，經過引水道，背向望夫石路，向右行）

#望夫石，風景好正，我地一班人坐係傍邊的大ｓ石上，好有成功感！

#頭新村豆腐廠，沙田共有十多間豆腐工廠，較有名或較具規模的有道風山友愛村萬馨園、白田村豐和豆腐廠，另外在小瀝源、頭新村、排頭村也有一些以家庭式經營的豆腐工廠。經過豆腐廠可以買支冰凍豆漿＋新鮮豆卜，豆味香濃。

#沙角邨Brunch，經過豆腐廠，你會見到獅子山公路，對面是新田圍邨，我地就向左邊行，經過曾大屋遊樂場（順便洗手洗臉Refresh）再去沙角邨食返個Brunch。

整段路連同船程來回約3小時，一家人出外，#小朱EE 都想大家 #CHILL住上山，#眼晴草木遊，風景和補給站也是首要考慮的。

🌸🌸🌸🌸🌸🌸🌸🌸🌸🌸

前往方法：

1. 如果你有巴士經世界花園站，可以選擇坐巴士到红梅谷燒烤場：

          巴士86A 、87A、86B、86C、81C、89B，到红梅谷路近獅子山隧道公路巴士站下車，横過馬路沿              樓梯從隧道公路下面横過馬路，到達红梅谷燒烤場（獅子山郊野公園）

2. 駕車可以泊係紅梅谷燒烤場下邊的露天咪標位，位置不多滿咗就要泊新翠邨。紅梅谷燒烤場露天咪標位：https://goo.gl/maps/FEAuFCQB3Tt9eDQ97

注意事項：

• 口罩常掛面，影相先除
• 提議預早出發，空氣好，人少，太陽不直射，山頂風景更清晰
• 帶足夠水，小許乾糧於望夫石享用，好CHILL
• 行山杖下山好伙伴
• 步行引水道時，記得回頭望，望夫石清楚可見

#比個LIKE支持我地個Page #望夫石 #媽咪 #红梅谷燒烤場 #環獅子山郊野公園 #泊車 #巴士 #慢活 #補給站 #BRUNCH #豆腐廠 #凍豆漿 #豆卜 #晨運 #放電任你跑 #Chill #Chill住遊 #山水豆腐 #親子 #BB #新手路線 #好風景 #親子好去處 #香港媽媽 #本地媽媽 #平日 ＃假日 #停課揾野玩 ＃小朱EE #Runningbaby #RunningBabyWild #Ohpama #親子另類遊 #ad # perfect

作者: RunningBaby#BB在野

瞳年時光！啱玩就一齊玩！玩要為未來充電！ #Runningbaby #KillingDaddy #HappyMami 想搞搞創意一齊玩：sweetbebechu@gmail.com

鎖定Facebook專頁: @runningbabywild 

文圖：小朱ee

FB: RunningBaby#BB在野