【Natmama親子育兒生活誌】親子活動推介 :慢遊坪洲


全年適用

好多熱門嘅郊遊路線weekend都好多人,而且又要揀一個可以推BB車推埋細佬一齊去嘅地方。。。最後我哋就嚟咗坪洲!

提起坪洲,除咗蝦多士大家仲會諗到乜嘢?我哋冇去朝聖,反而去咗行山、去沙灘執貝殼~

由中環6號碼頭搭船去坪洲,慢船需時大約40分鐘,去坪洲嘅船比較疏,大家要睇準時間出發。

船期表:http://www.hkkf.com.hk/index.php…

落船之後,向前行到永安街,喺新寶馬茶餐廳小廚轉右,就會見到去志仁里/東灣嘅指示牌。

跟住一路向前行,穿過一啲民區,大約十五分鐘就到坪洲龍母廟同埋東灣 。

到咗東灣沙灘,Natalie同Nathan已經急不及待咁衝咗去玩沙。。不過我哋唔記得帶玩沙嘅玩具><

玩完一大輪,就沿住沙灘旁邊嘅永東街散步,好少人, 感覺幾舒服^^

一路向前行就會見到坪洲家樂徑,見到往觀景亭嘅指示牌📍

沿路都係行石屎路,有部份地方有輕微上斜,大人小朋友BB都行到。途中會經過人哋嘅農地,見到木瓜樹、香蕉樹同埋各種蔬菜。

繼續向前行會見到香港電台發射站,之後就有一小段樓梯先到觀景亭,我哋帶咗BB車,就要麻煩Nat爸爸抬一下~~

觀景亭望出去有兩舊大石,大家可以俾啲想像力睇吓佢覺得似乜嘢 (睇唔睇得出係鈞魚公?)觀景亭一邊有幾級樓梯,行落去可以到達一個冇乜人嘅石灘,好多沙沙石石貝殼!

然後我哋沿住觀景亭另一邊嘅路向碼頭方向行,一開始有一小段樓梯,之後一路都係平路,輕微嘅高低起伏,中間仲經過咗兩三個沙灘。每個沙灘面積都唔大,不過就唔多人~

行到去有食肆嘅大街就開始多人。。所以喺坪洲都要戴口罩,保護自己、保障其他人!

✨ 搭船係多人嘅,大家要有心理準備。

喜歡我嘅分享嘅話,記住like同follow我個Facebook page Natmama親子育兒生活誌 呀:)
精采嘅分享陸續有來~

#親子好去處 #坪洲 #慢活 #親子blogger

BYfH4baGINkFNEJThiVBUwLMv6wBs2QRDmLztz3ISuo6QdsFLjSqgsxTaMHbe0zKCye9qJ5Dbc4JEAcER1kzjQ&__tn__=%2ANK-R”>#親子blogger

作者﹕Natmama親子育兒生活誌


熱門文章

召集親子餅印照片.展示最強DNA | 入選100強即獲精彩禮品
媽媽谷 | 免費加入Ohpama WhatsApp group獲得最新資訊 著數優惠
復活節海外玩2024|17大復活節好去處 日韓賞櫻/大阪環球影城復活節慶典限定/特色室內遊樂場
運動嘉年華 3月限定免費入場 5大運動體驗區 +近距離接觸香港運動員+免費換領紀念品
送《劇場版 角落小夥伴 奇幻的玩具工廠》電影換票證 | 展開奇幻探險之旅

全港最大戶外 電動車 場 「拖頭」/工程車/掘泥車/飄移賽車/警察電單車 3歲就可以玩|初初媽媽
中環海濱變220米藝術長廊 免費打卡︱復活節好去處
精選13大郊遊野餐好去處
昂坪360 復活節尋蛋派對 人氣插畫角色「好想兔」首次跳入香港
復活節本地遊2024 |24大好去處推介 復活節嘉年華/親子田徑比賽/復活蛋工作坊/室內遊樂場快閃優惠
藝術維港2024︱teamLab 發光蛋 首星期預約已滿額 呢個日子開始有即日預留名額! 附預約連結
查看更多   ▸